MISTER RWANDA 2022: Gaga Gold arifuza gufasha Abanyarwanda abinyujije mu mushinga we

Gaga Gold ahatanye n’abandi basore mu marushanwa ya Mister Rwanda 2022 aho afite umushinga wo gufasha umuryango Nyarwanda abinyujije mu mushinga we.

Mpumuje Mugisha Gagaline yamenyekanye cyane ku izina rya Gaga Gold asanzwe akora akazi ko gutunganya amashusho n’amafoto ndetse akaba ari mu marushanwa ya Mister Rwanda aho afite numero 30.

Mu kiganiro na Genesisbizz yadutangarije ko yifuza kuba Mister Rwanda kugirango abashe kuba ijwi ku badafite kivugira ndetse anafashe Abanyarwanda binyuze mu mushinga we.

Uyu mushinga we ugamije kurwanya indwara y’umujagararo wo mu mutwe (Mental Disorder) aho benshi babana nayo batabizi ndetse ikazagera ubwo ituma bamwe bafata umwanzuro wo kwiyahura nk’uko byakunze kugaragara mu mezi ashize.

Yakomeje asobanura ko igihe yabona amahirwe yo gutorwa nka Mister Rwanda 2022 yakoresha ubushobozi yaba afite mu gufasha abahuye n’iyi ndwara, Yakomeje avuga ko gufasha aba bantu bidasaba muganga gusa, dore ko n’inzobere mu ndwara zo mu mutwe zihari ari nke ahubwo avuga ko hakwifashishwa ubundi buryo.

Nk’umwe mu basanzwe bakora umwuga wo gutunganya amashusho, yatangaje ko n’ubundi yafasha Abanyarwanda binyuze mu bihangano by’amashusho.

Yasobanuye ko yakorana n’ ibigo byita ku bafite ibibazo byo mu mutwe akaganira n’impuguke zitandukanye, Ibi biganiro akabyifashisha mu kubaka umuryango Nyarwanda.

Gaga uri mu marushanwa ya Mister Rwanda 2022.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO