Abahanzi bo muri Diaspora nta gaciro mu Rwanda baduha kubera ikimenyane – MK Isacco

Umuhanzi Isaac wamenyekanye nka Mk Isacco ukorera umuziki we mu Bufaransa ntabwo avuga rumwe n’abategura ibihembo by’umuziki mu Rwanda byumwihariko The Choice Awards avuga ko aba-Diaspora birengagizwa kandi barakoze cyane.

Uyu muhanzi umaze kumenyekana nk’umwe mu bahanzi Nyarwanda bakorera umuziki hanze y’u Rwanda (Diaspora ), ntiyemeranywa nabateguye ibyo bihembo kubera atigeze agaragaramo.

Mu kiganiro yagiranye n’umunyamakuru wa GENESISBIZZ/TV yamubwiye icyamuteye kunenga abateguye ibyo bihembo.

Yagize ati “Njye natunguwe no kubona abategura Ibihembo bya The Choice Award mu cyiciro cya Diaspora baragiye bagafata abahanzi bakorera muzika muri Amerika gusa bakavuga ko aribo bakoze neza mu mwaka washize nkaho aribo bonyine bakorera muzika Nyarwanda hanze y’u Rwanda."

Yakomeje agira ati ”Nibaza ikigenderwaho kugira ngo mu Rwanda iyo bagiye gutegura Ibihembo bagenderaho bahitamo kuko nyuma y’abahanzi twita ko ari bakuru hari abandi bahanzi benshi Nyarwanda baba muri Diaspora kandi bakora cyane ariko kubera ko kenshi usanga ikimenyane kiri mu bishyirwa imbere cyane benshi barirengagizwa ibi bikaba biri mu bituma umuziki wacu udatera imbere kubera abantu nkabo bifuza guhora bahonyora abahanzi bakizamuka."

Mk Isacco uherutse gushyira hanze indirimbo Malayika yatuye abakundana ku munsi wabo, afite n’izindi nyinshi yagiye akorana na bahanzi mpuzamahanga nka, PASSI, Djibril Cisse, Soum Bill, Dj Arafat, Toofan n’abandi.

Yatubwiye ko kubera ingufu nyinshi akoresha mu bihangano bye abona nta bihembo na bimwe bitegurirwa mu Rwanda atagakwiye kujya yitabira ariko kubera icyimenyane iteka ashyirwa inyuma gusa akaba ashimangira ko bitazamuca intege ko azakora ibishoboka byose agakomeza kuzamura muzika Nyarwanda uko abishoboye.

MK Isacco yadutangarije ko umuhanzi w’umu-DIASPORA ngo akwiriye kuza muri izi Awards ari uharanira kwagura muzika Nyarwanda ikamenywa n’abandi bantu atari ukuririmbira Abanyarwanda baba hanze n’abwo rimwe na rimwe.

Ibihembo bya ‘The Choice Awards’ bifite intego yo gushyigikira urugendo rw’umuziki w’u Rwanda, gutera imbaraga abahanzi no gushimira.

Abahanzi Nyarwanda bakorera hanze umuziki bahatanye muri icyo kiciro ni "Adrien Misigaro, Priscillah [Scillah], Meddy, Emmy na The Ben."


MK Isacco akorera umuziki mu Bufaransa

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO