Maître Dodiane yashyize hanze indirimbo ikangurira abantu gufasha

Umuhanzi Ngarukiyintwari Jean De Dieu ukoresha izina rya Maitre Dodiane yashyize hanze indirimbo yise ‘Nufashwa yafasha’ yakuye ku gitekerezo cy’umuryango Nufashwa yafasha cy’umunyamakuru Bujyacyera Jean Paul uzwi nka Guterman .

Mu kiganiro uyu muhanzi yagiranye na Genesisbizz yatubwiye icyatumye yiyemeza gukora iriya ndirimbo yise Nufashwa Yafasha.

Yagize ati "Hashize igihe kinini nitabira ibikorwa by’uyu muryango utegamiye kuri Leta Nufashwa Yafasha w’umunyamakuu Guterman ufasha abana batifashije, kubona byinshi mubyo bakenera nk’uburezi ubuvuzi n’ibindi sosiyete nyarwanda iba ikeneye nahisemo gutanga umusanzu wanjye nkora amajwi n’amashusho yabyo mu rwego rwo gushishikariza abanyarwanda kumenya ko burya kw’isi nta kidashoboka ko burya ushobora gufasha umuntu akigeza kuri byinshi nawe bikamutera ingufu zo gufasha abandi."

Mu gusoza uyu muhanzi yasabye abantu bose aho bava bakagera ko kugira umutima ufasha kandi utabara ari byiza cyane n’ubwo uwo wafasha utamuha ibya mirenge ariko ukabikorana urukundo bituma nawe agira ingufu zo kwiteza imbere kugeza nawe afashije abandi.

Ku ruhande rwa Guterman we yadutangarije ko igikorwa umuhanzi Maître Dodina yakoze yakimushimiye kuba yaratekereje gutanga umusanzu we abicishije mu bihangano bye akaba yizera ko ubutumwa yatanze muri iriya ndirimbo buzagera kuri benshi mu banyarwanda.

Umuryango Nufashwa Yafasha washinzwe mu mwaka wa 2014 n’umunyamakuru Guterman ukaba ufite gahunda zo gutanga umusanzu mu gukuraho inzitizi ku mibereho n’ubukungu, zibuza abana bava mu miryango itifashije ndetse n’abatishoboye kwiga, izindi nshingano no kugabanya abana bata amashuri ahubwo bakomeza kubafasha kubaho mu buzima bwuje ibyishimo ndetse bidagadura. Uyu muryango ufite icyicaro Mu karere ka Gatsibo, mu murenge wa Ngarama.


Umuhanzi Maitre Dodiane n’Umuyobozi mukuru wa NYO Bwana Guterman

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO