Mali:Abasirikare 46 bakomoka muri Cote D’Ivoire bari bamaze amezi 6 bafunzwe bahawe imbabazi n’umukuru w’igihugu

Ku munsi wo kuwa Gatandatu Perezida Assimi Goita usanzwe uyobobora Mali yatanze imbabazi ku basirikare 46 bakomoka mu gihugu cya Cote d’Ivoire bari bamaze amezi atandatu bafungiwe muri iki gihugu nyuma yo gushinjwa kuba intasi.

Aba basirikare bakomoka muri Cote D’Ivoire bashinjwe kuba intasi nyuma yo gufatirwa mu gihugu cya Mali mu kwezi kwa Nyakanga ndetse byaje gukekwa ko bashobora kuba bafite umugambi mubisha wo guhirika ubutegetsi maze bahita batabwa muri yombi.

Icyakora nyuma yo gutabwa muri yombi igihugu cya Cote D’ivoire cyasobanuye ko aba basirikare bari bagiye mu butumwa bwo kugarura amahoro aho ngo barimo gukorera Loni nubwo bwose icyo gihe Mali yabiteye utwatsi.

Gusa kera kabaye Perezida wa Mali yahisemo kugirira impuhwe aba basirikare maze bahita barekurwa ako kanya nyuma y’amezi atandatu bari bamaze muri gereza ari imfungwa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.