Manchester City irangajwe imbere na Haaland yongeye gutitiza abakeba muri Champions League

Mu ijoro ryakeye ikipe ya Manchester City yongeye gukora akazi gakomeye ituruka inyuma itsinda ikipe ya Borrussia Dortmund ibitegpo 2-1 nyuma yo kubanza gutsindwa igitego igice cya kabiri kigitangira.

Ikipe ya Manchester City yaturutse inyuma itsinda Borrussia Dortmund nyuma yo guturuka inyuma igatsinda umukino wo mu ijoro ryakeye aho iyi kipe yari yabanje guhangayika ubwo yatsindwaga igitego ku munota wa 58 gitsinzwe na Jude Bellingham, ibi byatumye ibanza gukinira ku gihunga.

Ntabwo Manchester City yacitse intege kuko ku munota wa 80 w’umukino myugariro wari uvuye mu mvune ariwe John Stones yarekuye mu izamu umupira umeze nk’isasu barashe bituma ikipe ya Manchester City igaruka mu mukino.

Muri uyu mukino kandi rutahizamu Erling Braut Haaland yongeye kugaragaza ko ari umukinnyi uzatanga akazi gakomeye dore ko nyuma y’iminota 4 gusa yongeye gutsinda igitego ku mupira watanzwe na Canselo maze rutahizamu Haaland ahita asimbuka byihuse atsinda igitego n’akaguru ke k’indyo.

Kugeza kuri ubu biracyari ikibazo gikomeye ku mukinnyi Erling Braut Haaland ndetse hakomeje kwibazwa uyu mukinnyi umuntu uzabasha kumuhagarika bijyanye n’uburyo arimo gutsinda ibitego kandi mu buryo buhoraho.

Igitego cya Braut Haaland cyatumye Manchester ibasha kuyobora iumukino ndetse birangira umukino urangiye City yegukanye intsinzi yo mu ijoro ryakeye.

Ntabwo rutahizamu w’Umunya Norvege yigeze yishimira igitego yatsinze bijyanye nuko yakinaga mu ikipe yahozemo.

Mu yindi mukino kandi yakinwaga ikipe ya AC Milan yabashije gutsinda ikipe ya Dynamo Zagreb ibitego 3-1 ndetse muri ibi bitego harimo igitego cyatsinzwe na Olivier Giroud.

ni mugihe kandi ku rundi ruhandi ikipe ya Chelsea yongeye kugayika ntiyabasha kwikura mu nzara z’ikipe ya RB Salzburg kuko amakipe yombi yabashije kunganya igitego 1-1.

Ikipe ya Manchester City yabanje mu kibuga aba bakinnyi bakurikira: (4-2-3-1): Ederson 6; Stones 6, Akanji 6, Ake 6, Cancelo 7; Rodri 6, Gundogan 6 (Silva 58, 7); Mahrez 6 (Alvarez 58, 7), De Bruyne 7, Grealish 5.5 (Foden 58, 7.5); Haaland 8.5 (Phillips 90)

Abatsinze ibitego bya Manchester City batsinzwe:John Stones (80), Erling Braut Haaland (84)
Umutoza wa Manchester City:Pep Jose Guardiola.

Ikipe ya Borussia Dortmund yakinishije abakinnyi bakurikira:(4-3-2-1): Meyer 5; Meunier 6, Sule 7, Hummels 7, Guerreiro 6; Ozcan 7 (Adeyemi 88), Can 6, Bellingham 8; Reus 7 (Moukoko 88), Reyna 7 (Malen 62, 5); Modeste 6.5 (Schlotterbeck 78).

Uwatsinze igitego cya Dortmund:Bellingham 56

Umutoza wa Borussia Dortmund:Edin Terzic
Uwayoboye umukino (Umusifuzi):Daniele Orsato (Italy)

Abantu babashije kwitabira uyu mukino banganaga:50,441




Manchester City yatsinze umukino wayo wa kabiri muri Chasmpions Lesgue nyuma yo guturuka inyuma ikabasha kwishyura igitego yatsinzwe na Dortmund ndetse Haaland akongera kwerekana ubushobozi bwe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO