Shampiyona y’igihugu y’Ubwongereza Premier League umunsi ku wundi ikomeza gutungurana kuko muri iki cyumweru ikipe ya Chelsea yaratsinzwe ndetse Manchester City irasitara mu gihe Arsenal yongeye kwihaniza indi kipe bituma yicara ku mwanya wa mbere.
Mu mpera z’iki cyumweru byari ibicika muri shampiyona y’Ubwongereza aho amakipe atandukanye yatunguwe bikomeye kuko ikipe ya Chelsea yaje gutsindwa n’ikipe ya Leeds United ibitego 3-0.
Ni mu gihe kandi ikipe ya Manchester City yaje kugombora hamana ubwo yakinaga n’ikipe ya Newcastle United nyuma yo guturuka inyuma iyi kipe ikaza kwishyura ikinyuranyo cy’ibitego 2 bityo umukino ukaza guhumuza amakipe yombi anganya ibitego 3-3.
Ku rundi ruhande ariko ikipe yamamariza u Rwanda ariyo Arsenal abenshi bakunze kwita The Gunners yongeye gushimisha bakunzi bayo ubwo yatsindaga Bournemouth ibitego 3-0 ndetse ibi biza gutuma ikipe y’umutoza Mikel Arteta yicara ku mwanya wa mbere aho kuri ubu ifite amanota 9 n’ibitego 7 izigamye.
Kuri ubu shampiyona irakomeza muri iri joro aho amakipe abiri akomeye cyane ariyo Liverpool na Manchester United bagomba kwesurana muri iri joro.
Gusa uyu mukino ugiye gukinwa amakipe yombi ahagaze nabi kuko ikipe ya Manchester United iza ku mwanya wa nyuma n’amanota 0 ndetse Liverpool nayo yatangiye nabi kuko ifite amanota abiri (2) gusa.
