Manchester City yamaze kwerekana ikibumbano yakoreye Sergio Aguero

Mu gihe ikipe ya Manchester City yitegura kwizihiza imyaka 10 itwaye igikombe cya mbere cya shampiyona y’Ubwongereza (Premier League), iyi kipe yamaze gufata umwanzuro wo gukorera ikibumbano Sergio Aguero wagize uruhare mu guhesha igikombe cya mbere iyi kipe.

Umukinnyi Sergio Aguero ni umwe mu bakinnyi bakomeye bazahora bibukwa cyane mu ikipe ya Manchester City, dore ko uyu mukinnyi yatwaranye n’iyi kipe ibikombe bigera muri 5 bya shampiyona y’Ubwongereza mu bihe bitandukanye, yanahesheje kandi iyi kipe ibikombe 6 bya FA Cup n’ibindi bitandukanye.

Ubwo hamurikwaga ikibumbano cyakorewe umukinnyi Sergio Aguero umuyobozi mukuru wa Manchester City yatangaje ko ibikorwa by’umukinnyi Sergio Aguero yakoze muri iyi ari ibintu bikomeye ndetse yakomeje avuga ko Sergio Aguero ari umukinnyi uzahora wibukwa n’iyi kipe ndetse ko ibikorwa bye bitarondoreka.

Magingo aya Sergio Aguero yatsindiye ikipe ya Manchester City ibitego 260 mu mikino yose yakiniye iyi kipe ndetse kuri ubu niwe mukinnyi watsindiye ikipe ya manchester ibitego byinshi mu mateka yayo.

Nyuma yo gukorerwa ikibumbano Sergio Aguero yagize ati’’ mu byukuri ni ibintu byiza cyane kubona ibikorwa byose nakoreye ikipe ya Manchester mu gihe cy’imyaka 10 ishize.

Mu myaka 10 ishize nabashije gutwara ibikombe bitandukanye ndetse nabashije no gutuma iyi kipe igera ku rwego rukomeye mu ruhando mpuzamahanga.

Yakomeje kandi agira ati’’ ndashimira bikomeye ikipe ya Manchester City yabashije ku nkorera ikibumbano ibi mbifashe nk’icyubahiro gikomeye mpawe n’iyi kipe

Dore uburyo Aguero yahesheje Manchester City igikombe cya Premier League cya mbere.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO