Manchester United mu gihombo gikomeye nyuma y’uko Pogba agiye kumara ukundi kwezi inyuma y’ikibuga

Umutoza w’agateganyo wa Manchester United, Ralf Rangnick yatangaje ko Paul Pogba agifite ibyumweru byinshi byo kuba ari hanze y’ikibuga bitewe n’imvune amaranye igihe. Benshi babibona nk’igihombo gikomeye kuri iyi kipe isanzwe itanahagaze neza muri iyi minsi muri shampiyona y’Abongereza.

Paul Labile Pogba w’imyaka 28, aracyafite nibura igihe kingana n’ibyumweru bigera kuri bine cyangwa bitanu ari hanze y’ikibuga bitewe n’imvune yagize ikamuviramo kwikanga kw’imitsi y’akaguru.

Rangnick abajijwe igihe Pogba azagarukira mu kibuga, Yagize ati “ Kugeza ubu ibyo nzi, Amakuru nahawe mu cyumweru gishize, ni uko nibura igihe gito gishobora kuba ibyumweru bine cyangwa bitanu kugirango Pogba yongere kugaruka mu myitozo...

Paul Pogba ari mu mvune kuva mu kwezi kwa Ugushyingo ndetse ubu ari i Dubai aho ari kwitabwaho mbere y’uko agaruka mu Bwongereza.


Pogba i Dubai

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO