Marie France uzwi nka Sonia yasohoye indirimbo ivuga ku nzozi ze mu rukundo

Niragire Marie France wamenyekanye ku izina rya Sonia muri sinema Nyarwanda yasohoye indirimbo nshya yise “Impamo” avuga ko yayihimbye ashingiye ku nzozi yari afite none ubu akaba yarazigezeho byumwihariko mu rukundo.

Uretse kuba yarabyinnye mu itorero ry’igihugu, gukina filime ndetse no gukora itangazamakuru ubu yerekanye ko no kuririmba abizi ahereye ku ndirimbo yasohoye yitwa Impamo.

Aganira na Genesisbizz yavuze ko iyi ariyo ndirimbo ya mbere akoze ariko nyuma hazaza n’izindi nyinshi.

Ati “Indirimbo ya mbere nayise impamo kubera inzozi zanjye narimfite zabaye impamo mu buryo butandukanye ariko cyane cyane mu rukundo ariko rwa rundi rw’impamo bitewe n’umugabo Imana yampaye kandi ariwe nifuzaga.”

Marie France washinze n’igitangazamakuru avuga ko uyu mwuga awufitemo ubuhanga. Kuri ubu kandi akaba yaranatangiyeho ikiganiro kitwa “Queen of Hillwood” kiba imbonankubone aho aba atumira abantu benshi banyuranye bagatanga ubuhamya cyangwa se bagasangiza abandi ubuzima babayeho.

Indirimbo ye nshya yise “Impamo” yayisohoye mu buryo bw’amajwi gusa ikozwe na Producer Evydecks, amashusho yayo nayo ngo akaba azajya hanze mu minsi iri imbere.


Nyuma yo gusohora iyi ndirimbo avuga ko azakora n’izindi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO