Marina yasabye imbabazi The Mane asezera mu irushanwa rya The Next Pop Star

Ingabire Marina uzwi mu muziki nka Marina yasabye imbabazi ubuyobozi bwa The Mane kubera kurenga ku mategeko y’ibyo bumvikanye aboneraho no gutangaza ko yasezeye mu irushanwa ry’umuziki yarahatanyemo rya The Next Pop Star.

Mu minsi ishize nibwo hatangajwe inkuru zivuga ko Marina ari mu irushanwa rya The Next Pop star ariko abakurikirana inyungu ze “The Mane” bo bavuga ko ibyo batabizi.

Ibi byateje urujijo bamwe batangira kugenda batangaza ko Marina yaba atacyumvikana na The Mane ko wenda byaba ari nintandaro yo kuba benda gutandukana.

Nyuma yibyo byose Marina yamaze gusaba imbabazi mu itangazo yanyujije ku mbuga nkoranyambaga ze.

Muri iyo baruwa avuga ko asaba imbabazi bitewe n’ibikorwa yakoze binyuranyijwe n’amategeko ari mu masezerano yagiranye na The Mane. Iryo kosa avuga ko ari ibyo kujya mu irushanwa ry’umuziki atamenyesheje abamuhagarariye.

Avuga ko nyuma yo kwica amasezerano azemera igihano cyose azahabwa na The Mane kandi ko azanacyubahiriza.

Yakomeje avuga ko ubu yamaze no gusezera muri iryo rushanwa ngo keretse habayeho ubwumvikane bwabaritegura hamwe na The Mane ku buryo babyumvikanyeho bakamureka ngo akomeze ntacyo byaba bitwaye.

Itangazo Marina yasohoye asaba imbabazi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO