Marina yasohoye indirimbo ’I’m Sorry’ Aho aba yicuza ibyo yakoze

Marina nyuma y’igihe gito asezeye mu nzu yamufashaga ya The Mane ariko nyuma agasanga ibyo yakoze ataribyo akongera akayigarukamo. Uyu mukobwa yashyize hanze indirimbo yise Am Sorry agaragaza ko yicuza ibyo yari yakoze.

Muri iyi ndirimbo uyu mukobwa uzwiho ijwi rikunzwe na benshi hari aho agaragagaza ko yicuza amakosa yakoze ubwo yafataga umwanzuro wo kuva muri The mane kandi nta kintu yari yarabuzemo mu gihe cy’imyaka isaga ine yari amazemo.

Hari aho agira ati “Byasaga nk’aho ndi kurota bituma nkora ibidakwiye, I’m Sorry ku bw’amakosa yose nanjye ndi umuntu nta we udakosa ku Isi!”

Akomeza agira ati Ati “Nta kintu nakora ngo nsibe ibyahise, mbishoboye nasubiza ibihe inyuma, nanjye nari nagoswe, I’m sorry and I can’t deny ko nahubutse!."

Uyu mukobwa nyuma yaho atangarije ko avuye muri The Mane abantu benshi bakomeje kumuvugaho ibintu byinshi bitandukanye ariko we mu rwego rwo kwereka abakunzi be ko yari yaribeshye ku cyemezo yabatuye iyo ndirimbo anakomeza abasaba ko bakwirengagiza ibihe byahise ahubwo bagakomeza kumuba hafi muri uru rugendo yongeye gutangira bundi bushya.

Mu minsi ishize mu kiganiro yagiranye n’ikinyamakuru igihe Marina yatangaje ko indirimbo Am Sorry ahanini yayikoze yivugaho ndetse anayitura abandi bantu baba barakoshereje abandi mu buzima busanzwe.

Muri iyo ndirimbo Marina aba yicuza ibyo yakoze

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO