Masoudi Djuma watsinzwe na Rayon Sports, yahaye ubutumwa bukomeye Mukura Vs

Umutoza w’ikipe ya Bugesera Football, Club Masoudi Irambona Djuma yatangaje ko gutsindwa n’ikipe ya Rayon Sports ntakibazo kirimo, yongeraho ko ikipe ya Mukura bazakina mu gikombe cy’Amahoro bazakora ibishoboka byose bakayikuramo

Ibi uyu mutoza yabitangaje nyuma y’umukino ikipe ye ya Bugesera yatsindiwemo na Rayon Sports I Bugesera igitego 1-0 cyatsinzwe na Dagnogo, Uyu mugabo yatangarije itangazamakuru ko nubwo batsinzwe na Rayon Sports yo iba ifite amahirwe menshi yo gutsinda.

“Buriya gutsindwa na Rayon Sports utsindiwe hanze ntakibazo nuko dutsindiwe mu rugo gusa, kandi twari twihaye intego yo kuvuga ngo tubone inota rimwe buriya amanota twayatakaje twababaye.”

Masoudi Djuma yahaye ubutumwa ikipe ya Mukura Vs, avuga ko nubwo babatsindiye I Huye mu mukino ubanza w’igikombe cy’Amahoro, babonye uburyo bwiza bwo kwitegura ndetse ko bazanayikuramo.

Yagize ati: “ Rayon Sports ahubwo iduhaye uburyo bwiza bwo gutegura uko tuzakina ku wa gatatu na Mukura. Ubu twabonye uko twakinnye uyu munsi, tugiye kubihindura tuzitware neza.” Masoudi Djuma aganira n’itangazamakururu nyuma y’umukino.

Bugesera Football Club kuri ubu iri ku mwanya wa Gatandatu n’amanota 24, inganya na Marine Fc iri ku mwanya wa 7, nayo iherutse gutsindwa na APR Fc ibitego 3-0. Kuri uyu wa Gatatu, Bugesera Fc irakira Mukura Vs mu gikombe cy’amahoro, aho mu mukino ubanza Bari batsinzwe ibitego 2-1.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO