Mayaka washinze Cine mu Biryogo ikamenyekana yitabye Imana

Emmanuel Owanga Mayaka wamenyekanye i Kigali (mu Biryogo) mu kwerekana sinema n’imikino y’i Burayi muri salle ya Cine ElMay , yitabye Imana azize uburwayi.

Mayaka yari amaze iminsi arwaye ndetse Umuyobozi wa Cine Elmay, umuhungu wa murumuna we witwa Mulemba Fred usanzwe akurikirana ibikorwa bya Cine Elmay na Kigali Hotel bya Mayaka yatangarije Genesisbizz ko yaguye i Kigali.

Ati “Yari amaze iminsi arwaye, arwariye hano i Kigali. Inkuru twayakiriye saa Tatu n’igice. Ni agahinda, ni akababaro. Yari amaze iminsi yari avuye muri Repubulika Iharanira Demokarasi ya Congo kugira ngo yivuze.”

Benshi mu bakunzi b’imikino na sinema i Kigali by’umwihariko mu Biryogo, bakundaga kurebera filime n’imipira aho yakoreraga, hazwi nko “Kwa Mayaka”.

Salle ya Cine Elmay yashinzwe mu myaka 1980 aho yafatanyaga n’ubuyobozi bw’umurenge wa Gitega kwerekana filime icyo gihe bakoreshaga ikorabuhanga rya bobine filime icyo gihe zari Noir blanc .iyo salle izwi mu kwerekana filime n’imikino yo ku mugabane w’iburayi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO