Mazimpaka Cadet na Aline Gahongayire bakoranye indirimbo y’isengesho bise “Ndi amahoro”

Umuhanzi Mazimpaka Cadet umaze kumenyekana cyane mu ndirimbo zo guhimbaza Imana yakoranye indirimbo na Aline Gahongayire bayita “ Ndi Amahoro “

Uyu muhanzi usanzwe akorera umuziki we mu gihugu cya Canada yatangarije itangazamakuko indirimbo “Ndi amahoro “ ko ari inkuru nyakuri y’ubuzima abatuye isi babamo buri munsi cyane cyane muri ibi bihe bikomye aho isi yugarijwe n’icyorezo cya Covid-19.

Yakomeje ati ‘‘Umuntu ashobora kuyifata nk’ivuga ubuzima bwite bw’umuntu, kimwe n’uko wayibonera mu mboni z’ubuzima rusange tubaho nk’abantu. Ni indirimbo ijyanye neza n’ibihe Isi irimo, ibihe aho usanga hari byinshi biduhagaritse imitima, ibibazo byinshi tudafitiye ibisubizo n’ubwoba mu mitima ya benshi.’’

Abajijwe aho igitekerezo cyo gukora iyo ndirimbo “ Ndi mu mahoro “ cyaturutse yagize ati “ Twayikoze dushaka kugeza ubutumwa bw’ihumure ku mitima y’abantu ,aho twashakaga kwereka abantu ko hamwe n”Imana tuba dufite amahoro asesuye niyo twaba turi mu makuba ameze ate.

Ku bijyanye n’uko yahisemo gukora iyo ndirimbo na Aline Gahongayire yavuze ko ubwo yari agiye kuza mu Rwanda umuvandimwe we yamusabye ko nagera mu Rwanda yazaba ariwe ashaka bagakorana indirimbo kuko ngo ari umuhanga cyane.

Yagize ati “ nkigera I Kigali nashatse Aline Gahongayire tunoza umushinga nyuma tujya muri Studio dutangira gukora kugeza ubu twayishyize hanze ku mugaragaro .
Indirimbo “Ndi Amahoro yatunganyijwe mu buryo bw’amajwi na Producer ishimwe Clément muri Kina Music naho amashusho ayoborwa na Meddy Saleh .

Mazimpaka Cadet azwi mu ndirimbo nka Birashoboka’’ n’izindi nyinshi

Aline Gahongayire akunzwe cyane mu Rwanda mu ndirimbo hari impamvu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO