Mbarusha umuzigo n’umufungo birazwi – Papa Cyangwe na Igor Mabano mu ndirimbo nshya

Umuraperi umaze kumenyekana ku mazina ya Papa Cyangwe mu muziki yakoranye indirimbo na Igor Mabano yitwa “Imbeba” aho baba bavuga ko batsindiye umukobwa mwiza birata ko barusha abandi umuzigo ndetse n’ifungo.

King Lewis cyangwa se Papa Cyangwe atangira aririmba agira ati “Bwa nyuma na nyuma umwana ukunzwe arafashwe, umwana uhigwa arakabye, inzozi ze zigiye gutakwa n’ipinda ryanjye gusa njye habamo ikimero kiwe ni mama w’icyangwe mfata nk’icyana k’ingwe, vanga vanga Bill uriho ni iyanjye Drip mpagaze ntabwo ari nk’izo zabo, imbeba zikurya bipe zikwame, nungeraho utuze kuko ari njye kibamba, mvugutira umuti ndagusukaho ipinda.”

Igor Mabano nawe atera yikiriza agira ati “I’m a bad boy urabizi mbarusha umuzigo barabizi, baby don’t worry njye ndi mu kazi mbarusha n’umufungo ino baranzi winteza imbeba.”

Papa Cyangwe ni umwe mu bahanzi bazwiho guhimba amagambo atamenyerewe ku buryo ashobora kuvuga ijambo ukayoberwa icyo avuze. Muri iyi ndirimbo naho ni uko kuko agenda avugamo izo terime ahimba gusa usanga zizwi cyane n’abo bagendana cyangwa urubyiruko.

Papa Cyangwe yaherukaga gusohora indirimbo yitwa “Ngaho” aho yagendaga avuga ku byamamare bitandukanye bitewe n’udutendo byagiye bivugwaho.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO