Mbeshya ko uri umukozi mwiza nkubeshye ko nkuhemba neza!Mendy udahagaze neza yateye utwatsi amasezerano mashya yahawe na Chelsea

Umunyezamu ufatira ikipe ya Chelsea ukomoka mu gihugu cya Senegal Edouard Mendy yamaze gutera utwatsi umushahara yahawe ndetse yanga n’amasezerano mashya muri Chelsea bijyanye nuko umusimbura we Alzabaraga akimurusha umushahara nubwo nawe ashinjwa kutitwara neza muri iyi minsi.

Ikipe ya Chelsea yegereye umunya Senegal uyifatira yifuza kumwongerera amasezerano undi nawe ayatera utwatsi aho abenshi mu nshuti ze bahamya ko biterwa nuko umusimbura we Kepa Arrizabalaga amurusha umushahara muri iyi kipe.

Ubusanzwe Mendy ni umwe mu bakinnyi bahembwa amafaranga make mu ikipe ya Chelsea ndetse byatumye yirengagiza amasezerano mashya yahabwaga n’ikipe ye.

Dushingiye ku kinyamakuru The Evening Standard cyandikirwa mu gihugu cy’Ubwongereza cyatangaje ko ikipe ya Chelsea yacishije macye ikifuza kuvugurura amasezerano ya Edourd Mendy nubwo mu minsi ishize uyu munyezamu yakoze amakosa akomeye ubwo bakinaga n’amakipe arimo Leeds United na West Ham.

Mendy yahisemo kwanga amasezerano mashya nyuma yo kubona ko umushahara ahabwa ari muke ugereranyije n’uhabwa umusimbura we Keppa Alzabalaga.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO