Meddy ararongora muri iki cyumweru…King James ni umwe mu bazitabira

Umuhanzi Ngabo Medard Meddy utuye muri Leta Zunze Ubumwe z’Amerika azakora ubukwe n’umukunzi we ukomoka muri Ethiopie witwa Mimi Mehfra.

Kuba ari icyamamare ni benshi baba bategereje ubukwe bwe. Nyuma yo gutera ivi agasaba uyu mukobwa ko yazamubera umugore byashimishije abafana b’uyu muhanzi ukunzwe cyane mu Rwanda.

Yaba ababutumiwemo n’abatarabonye ayo mahirwe ariko bakunda uyu musore ku bw’ibihangano bye bari bategereje ubukwe bwe.

Biteganyijwe ko umunsi w’ibirori nyirizina uzaba ku munsi wo kuwa Gatandatu taliki ya 22 Gucurasi 2021 nkuko tubikesha ikinyamakuru cya Hose.

Ubukwe bwe buzabera mu Mujyi wa Dallas muri Leta ya Texas aho nubundi basanzwe batuye.

Ubukwe bwa Meddy, buzitabirwa n’ibyamamara bitandukanye cyane abatuye muri Leta Zunze Ubumwe za Amerika ndetse n’umuhanzi King James umazeyo iminsi.

Nkuko mbere byagiye bivugwa biteganyijwe ko nyuma y’ubwo bukwe bazaza no mu Rwanda ndetse no muri Ethiopie naho bakahakorera ibindi birori mu rwego rwo kujya ku ivuko bitewe n’uko hari inshuti cyangwa abo mu muryango bazaba barabuze uko bajya muri Amerika.

Iki cyumweru kirarangira Meddy yahinduye irangamimerere

Ubukwe bwabo buzabera USA ariko nyuma bose bajye no ku ivuko ryabo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO