Meddy ari gushakisha umwana w’imyaka 8 udasanzwe mu mibyinire

Umuhanzi w’Umunyarwanda uba muri Leta Zunze Ubumwe za Amerika Ngabo Medard ‘Meddy’ ari gushakisha umwana uzwi ku izina rya ‘Karyuri’ ukomeje kwamamara cyane ku mbuga nkoranyambaga kubera impano ye yo kubyina.

Uyu mwana amazina ye ni Karyugahawe Bright bakunda kwita Karyuri afite imyaka umunani, atuye mu Kagari ka Kanazi mu Murenge wa Nyamata mu Karere ka Bugesera.

Karyuri amaze iminsi agaragara ku mbuga nkoranyambaga mu mibyinire idasanzwe y’indirimbo zinyuraye zirimo iz’abahanzi bo mu Rwanda ndetse no mu Karere.

Uyu mwana mu ndirimbo yakoze harimo niya Meddy aheruka gusohora yitwa “We don’t care” yakoranye na Rayvanny na Rj the Dj bo muri Tanzania.

Meddy wanyuzwe n’impano y’uyu mwana yabinyujije ku mbuga ze asaba abamukurikirana ko niba bazi uyu mwana bazamugezaho.

Ati “Ndi gushakisha uyu mwana…Niba muzi aho yaboneka, nimumfashe.”


Abantu benshi banyuzwe n’impano y’uyu mwana nubwo nta wo kumufasha arabona

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO