Meddy yashenguwe n’urupfu rwa Akeza wasubiyemo indirimbo ye My Vow

Nyuma yaho ku itariki ya 14 Mutarama 2022 humvikanaga inkuru y’umwana w’umukobwa w’imyaka itanu witwa Akeza Rutiyomba Elsie wasanzwe mu kigenga cyamazi yapfuye, Benshi mu bagaragaje uburyo bababajwe n’uru rupfu harimo n’umuhanzi Meddy.

Elsie w’imyaka itanu yitabye Imana nyuma yo kugwa mu kigega cy’amazi mu rugo ruherereye mu murenge wa Busanza mu Karere ka Kicukiro.

Abantu benshi babajwe n’Urupfu rw’uwo mu malayika ndetse muri abo harimo umuhanzi Ngabo Medard uzwi ku izina Meddy, Akaba yarakundaga uwo mwana kubera uburyo yasubiragamo indirimbo ye My Vow.

Mu ijoro ryo ku wa mbere mu masaha ya nijoro mbere y’uko uwo mwana ashyingurwa mu cyubahiro mu irimbi rya Rusororo, Meddy yagiye ku rukuta rwe rwa Twiiter agaragaza agahinda yatewe n’urupfu rwa Akeza wari umufana we ukomeye.

Icyo gihe Meddy yafashe ifoto y’uyu mwana iherekejwe n’amagambo yuje agahinda agira ati “ Mbega Inkuru inshenguye umutima" .

Nyuma y’urupfu rwa Akeza Elsie ,Urwego rw’igihugu rw’ubugenzacyaha (RIB) rwahise ruta muri yombi Mukase witwa Mukanzabarushimana Marie Chantal n’Umukozi we Nirere Dative bakekwaho Urupfu rw’uyu mwana.

Akeza Rutiyomba Elsie yashyinguwe kuri uyu wa Kabiri tariki ya 17 Mutarama 2022 mu irimbi rya Rusororo , umuhango waranzwe n’amarira menshi ndetse n’agahinda ku bari bamuherekeje.


Akeza Elsie

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO