Kwizera Olivier yigaragaje cyane arokora Amavubi Menya byinshi kuri uyu mukino bwa mbere wabuzemo umukinnyi n’umwe wa APR FC

Amavubi Stars ntabwo yabashije kubona amanota yimbumbe uko aba ari atatu nyuma yo kunganya umukino wa mbere n’ikipe ya Mozambique aho amakipe yombi yanganyije igitego 1-1.

Umuhungu wa Mateso Jean de Dieu ariwe Nishimwe Blaise yaje kubonera Amavubi igitego nyamara ntabwo haciyeho n’umunota ikipe ya Mozambique ifatirana amavubi yasaga nkayasinze ibyishimo maze bahita bishyurwa icyo gitego.

Abasesenguzi batandukanye bahamije ko U Rwanda rwakinanye ishyaka gusa aba bakinnyi bagowe cyane n’igice cya mbere cy’umukino nubwo baje kwisubiraho mu gice cya kabiri cy’umukino bakabona uburyo butandukanye ariko ntibubyazwe umusaruro.

Igice cya mbere cyarangiye amakipe yombi ntayibashije kurunguruka mu izamu ry’iyindi aho barangije banganya 0-0.

Mu gice cya kabiri,Mozambique yabonye amahirwe menshi cyane aho ku munota wa 54 Geny Catamo yateye umupira ukomeye gusa umuzamu Olivier Kwizera Gishweka akora akazi gakomeye cyane aratabara.

Cyera kabaye Amavubi Stars yabonye amahirwe akomeye ku munota wa 65aho umupira wakaswe neza na Rafael Yorke ugarurwa nabi n’Umunya Mozambike usanga Nishimwe Blaise aho yari ahagaze aroba umunyezamu wa Mozambike wari wasohotse,igitego cy’u Rwanda kiba kiranyoye.

Ibyishimo by’Amavubi ntibyatinze kuko ubwugarizi bwayo bwahagaze nabi ku munota wa 68,uwitwa Stanley Ratifo yishyurira igitego Mozambike ku burangare bwa Manzi Thierry wananiwe kumuzibira neza.

Ku munota wa 82 nabwo Kwizera Olivier Gishweka yongeye gutabara u Rwanda nyuma yo gukuramo umupira yari atewe na rutahizamu wa Mozambique.

Umutoza Carlos Alos w’u Rwanda wigaragaje kuri uyu mukino mu minota 20 yinjije mu kibuga abakinnyi barimo Ndayishimiye Antoine Dominique,Manishimwe Djabel,Ruboneka Jean Bosco na Muhire Kevin bahindura cyane umukino.

Habuze gato ngo u Rwanda rutahane amanota 3 kuko ku munota wa 85,Ndayishimiye Antoine Dominique yateye umupira n’umutwe, yari ahawe na Mangwende ari wenyine mu rubuga rw’amahina,Umunyezamu wa Mozambike awushyira muri Koloneri.

Iminota 90 yarangiye hongezwaho 3 itagize icyo ibyara amakipe yombi agabana amanota ku gitego 1-1.

Carlos Alos nawe yiyongera ku bandi batoza 7 b’Amavubi batabashije gutsinda umukino wabo wa mbere batoje u Rwanda kuva muri 2010.

Tariki 07 Gicurasi 2022,Amavubi azasura Senegal I Dakar ku mukino wa 2 wo muri iri tsinda cyane ko kuwa Gatandatu iyi kipe izaba yakiriye Benin nanone ziri kumwe mu itsinda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO