Menya byinshi ku buzima bw’umubyeyi Bikiramariya ufatwa nk’umubyeyi w’Imana

Kwita Bikiramariya umubyeyi w’Imana abenshi babyumva bitandukanye dore ko bamwe batiyumvisha ukuntu umuntu wavutse nk’abandi agapfa ashobora kwitwa Nyina w’Imana.

Dushingiye ku nyandiko zimwe na zimwe bivugwa ko Bikiramariya ariwe mugore wa mbere wabayeho w’umuyahudi ukomoka I Nazareti akaba umugore w’umugabo wari umubaji witwaga Yozefu ndetse akaba na nyina wa Yezu Kristu.

Ibitabo byombi haba mu isezerano rishya ndetse na Quran byemezako Bikiramariya yari isugi.

Muri tewolojiya ya gikirisitu bishingiye cyane kuri bibilliya ntagatifu byemezwa ko yasamye inda ya Yezu Kristu biciye muri Roho Mutagatifu ubwo we yari akiri isugi.

Bikiramariya warambagizwaga n’umugabo w’umubaji Yozefu byabaye ngombwa ko amukurikira I Betelehemu aho Yezu Kirisitu yaboneye izuba.

Byemezwa ko Bikiramariya yavutse mu mwaka wa 18 mbere y’ivuka rya Yezu ndetse aza no kwitaba Imana mu mwaka wa 44 ubwo Yezu yari amaze imyaka 11 apfuye.

Abanditsi benshi bakomeye barimo uwitwa Joakim nundi witwa Anna bemeza ko ababyeyi ba Bikiramariya batazwi.

Amamiliyoni y’abantu ku isi bemeza ko Bikiramariya ariwe muntu W’umumarayika wabayeho kurusha undi wese ku isi, Bishingiye ku kuba yaragiriwe ikizere n’Imana mu bagore bose bariho muri icyo gihe.

Dushingiye ku nyigisho za mbere zatanzwe bwa mbere n’abarimu mu bijyanye na bibiliya zigahabwa abakirisitu bo mu burasirazuba bw’isi byemezwa ko Bikiramariya yazamuwe mu ijuru gusa ibyerekeye urupfu rwe ntago bivugwaho rumwe.

Mu idini ya kiliziya gatolika bizihiza umunsi w’ijyanwa mu ijuru rya Bikiramariya kuwa 15 Kanama buri mwaka.

Idini ya Isilamu yo yita Bikiramariya "Mariam" bakanamwita nyina wa Issa,gusa banamwita "sayyidatuna" tugenekereje mu kinyarwanda bivuga ngo "mama wacu" cyangwa umugore wacu.

Byemezwa ko Bikiramaliya yamenyanye na Yozefu afite hagati y’imyaka 12 na 14.
ndetse Bikiramariya yabayeho imyaka 11 nyuma y’urupfu rwa Yezu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO