Itorero Urukatsa ryakoze igitaramo k’imbaturamugabo mu kiganiro Access 250

Mu kiganiro Access 250 gitambuka kuri Genesis TV, itorero Urukatsa ryarataramye biratinda biciye mu ndirimbo,ibyivugo , n’ibisigo ndetse iri torero ryagaragaje ubusizi bukomeye.

Ubwo umunyamakuru wa Genesisbizz yaganiraga n’uhagarariye iri tsinda yatangiye amubaza imvo n’imvano y’ijambo Umusizi.

Nawe yasubije agira ati’’Umusizi ni umuntu ufite ubuhanga bushingiye ku mivugire imyandikire bijyanye n’uruhererekane rw’amagambo, byose bigamije gutaka cyangwa gusingiza umuntu hashingiwe ku bikorwa bye.

Ubwo kandi umuvugizi wi’iri tsinda witwa Rugamba, yabazwaga inkomoko y’Urukatsa yasobanuye ko, urukatsa wari umutwe w’ingabo ndetse bari bazwiho gutarama cyane aho ryari itsinda kandi ry’umwami kigeli Ndabarasa.

Itorero Urukatsa kandi bavuga ko umusanzu wabo batanga, ari ugufasha abakiri bato gukunda umuco Nyarwanda no gukomeza kuwusigasira.

Gusa iri tsinda urukatsa rivuga ko rigifite imbogamizi, zikomeye kuko ibikorwa byabo bijyanye n’umuco badafite isoko bakomeza kuvomamo ubumenyi ku bijyanye n’umuco Nyarwanda.

Rugamba kandi uhagarariye urukatsa, avuga ko ubusanzwe ngo umuhanzi areba agahangayika bikamutera guhanga ndetse avuga ko ari byiza ko umuntu wese yajya yumva indirimbo z’abahanzi agatega amatwi ubutumwa bukubiyemo.


Bwana Rugamba umuvugizi w’Itorero Urukatsa

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO