Menya byinshi ku muryango wa ZARI avukamo, ugifite Se umubyara

Si kenshi abantu bajya bumva umuryango wa Zari Hassan (The Boss Lady) ugaruka cyane mu itangazamakuru nk’uko uyu mugore wabyaranye na Diamond Platnumz arivugwamo, ibi bigatuma benshi bibaza ku nkomoko z’uyu mugore uri hafi kuzuza imyaka 40 y’amavuko.

Zari Hassan ukunze kwiyita The Boss Lady yavutse tariki 23 Nzeli 1980, byumvikane ko ubu afite imyaka 39 y’amavuko, avukira Jinja mu gihugu cya Uganda.

Amashuri yisumbuye ndetse n’ajyanye n’ubwiza (Cosmetology) yayize I London mu gihugu cy’Ubwongereza, aho yaje kuvayo akagaruka muri Uganda mu 2000, aho yanamenyekaniye cyane mu bikorwa bikoresha imbuga nkoranyambaga, n’ubucuruzi asanzwe akora.

Zari ni umwe mu bategatugori bamaze kwereka abana b’abakobwa ko nabo bafite ubushobozi bwo kwiteza imbere, bityo benshi muri bo bakamufata nk’ikitegererezo mubyo bakora, ariko nanone ntibamenye neza umuryango uyu mugore avukamo.

Zari udakunze kuvuga byinshi kuri Se umubyara ‘Nasur Hassan’ bitewe n’uko ababyeyi be batandukanye akiri muto ubundi akaza kurerwa na mama we ndetse n’abavandimwe ba Zari.
Se wa Zari yicaranye n’abavandimwe be ubwo barimo kuvugira iduwa Mama wabo

Ariko ibi ntibivuze ko Nasur ataba hafi Zari mu buzima bwo kwamamara abamo umunsi k’uwundi, uyu musaza (Nasur) aheruka kugaragara mu ruhame ubwo Ivan Semwanga wabyaranye na Zari yitabaga imana.

Muri Gicurasi 2017 ubwo Semwanga wahoze ari umugabo wa Zari yitabaga imana, Papa wa Zari (Nasur Hassan) yagize icyo abwira itangazamakuru ryari ryitabiriye ikiriyo cye, yagize ati: “Aya makuru y’urupfu rwa Ivan yarambabaje cyane, yari umuntu nakundaga cyane ndetse nanamwubaha nk’umuhungu wanjye nubwo hari ibyo yagiye apfa na Zari, nzahora mwibuka iteka.”

Mu bihe bishize ubwo Zari yajyaga muri Uganda mu gitaramo cyo gufasha, yasuye Se ndetse baranifotozanya, aho yagize ati: “Ndabona nsa neza na Papa”.
Ubwo Zari yajyaga Uganda akajya gusura Se akaza kwemeza ko abona basa

Muka videwo yashyize ku rubuga nkoranyambaga rwa SnapChat, Zari yagaragaje uburyo Se ari kwiga gukoresha telephone igezweho ya smartphone, aho yarari kuyigishwa na murumuna we Zulekha.

Mu mwaka wa 2013 Zari Hassan ubwo yerekezaga muri Afurika Y’Epfo yaje kuhahurira n’uwahoze ari umugabo we Ivan Semwanga wari umuherwe w’umucuruzi ukomeye cyane, dore ko yarafite imitungo myinshi haba muri Uganda ndetse no mu mahanga.

Zari na Semwanga baje kubana nk’umugore n’umugabo ndetse banabyarana abana batatu b’abahungu, gusa nyuma baje gutandukana bitewe nuko Semwanga ngo yajyaga ahohotera Zari Hassan.

Uyu muherwe yaje gushyingurwa muri Uganda ndetse Zari ahita asubira muri Afurika y’Epfo kugira ngo ajye gukomeza gucunga ibikorwa by’ubucuruzi n’amakompanyi ya Semwanga yarasize.
Zari arikumwe n’abana be bose uko ari batanu (3 ba Semwanga na 2 ba Diamond Platnumz)

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO