Sobanukirwa ibyiza byo kurya ibitunguru birimo kwirinda indwara ya diyabete n’ibindi bitandukanye

Ubusanzwe ibitunguru ni ibihingwa bikunze guhingwa cyane n’abaturage hirya no hino ku isi. Gusa nanone usanga benshi banga kurya ibitunguru ku mpamvu zitandukanye zirimo n’impumuro itinda kuva mu kanwa, Gusa aba bahomba ibyiza byinshi nk’uko tugiye kubigarukaho muri iyi nkuru.

Ibitunguru ni ibihingwa bikenera guterwa mu butaka bukungahaye ku ifumbire ndetse binakunda kwera cyane mu butaka bw’urubuye kuko ubu butaka bugira ikinyabutabire kitwa "sulphur" Ku rugero ruto.

Impamvu ni uko ubundi butaka butari urubuye bugira sulphur nyinshi Kandi iyo iki kinyabutabire cya sulphur kibaye cyinshi mu butaka byangiza umusaruro w’ibi bitunguru.

Abahanga bavugako ibitunguru bifite inkomoko muri Irani cyangwa mu burengerazuba Bwa Pakistani tutanirengagije muri Aziya yo hagati.

Ibitunguru by’ikigina cyangwa umuhondo benshi bemezako biryoshya ibiryo nk’uko abenshi mu batetsi bo ku mugabane w’i Burayi bakunze kubitangaza cyane cyane abo mu Bufaransa.

Ibitunguru bitukura byo bikunze gukundwa n’abatetsi bo muri Aziya ngo hashingiwe ku kuntu biryoshya isosi ijyanye n’indyo gakondo yaho.

Ibitunguru by’umweru byo bikundwa cyane n’abatetsi bo muri Megizike gusa ibi bitunguru bishobora kuba uburozi ku nyamanswa zimwe na zimwe aho twavugamo Imbwa, Injangwe ndetse n’ingurube.

ubushakashatsi kandi bwakorewe mu gihugu cy’Ubuyapani bwagaragajeko ibitunguru ari umuti uvura umunaniro ukabije ushobora guterwa na diyabete.

Ibi byanashimangiwe n’ubundi bushakashatsi bwakorewe mu gihugu cy’Ubushinwa nabwo bwagaragaje ko umutobe ukozwe mu bitunguru uvura umunaniro uterwa na diyabete.

Ibitunguru ni umuti mwiza ufasha mu kurwanya indwara z’amagufa.

Ibitunguru ni ibihingwa bidakunda guhingwa byavanzwe n’indi myaka kuko ibindi bihingwa bibitwara intungamubiri biba bikeneye bityo umusaruro ntuboneke.

Abahanga bavuga ko kandi ibitunguru byo guteka bigomba kubikwa mu cyumba gishyushye Kandi bikabikwa ahantu hamwe Kandi hegeranye.

Nk’uko raporo ya UN food and Agriculture organization ibitangaza Dore urutonde rw’ibuhugu 4 byeza tone nyinshi z’ibitunguru kurusha ahandi hose ku isi buri mwaka.

. Ku mwanya wa mbere haza Ubushinwa bweza tone: 1,001,225

. Ku mwanya wa kabiri haza Ubuyapani bweza tone: 526,718

. Ku mwanya wa gatatu haza igihugu cya Mali cyeza tone: 522,997

. Ku mwanya wa Kane haza igihugu cya Koreya y’Amajyepfo cyeza tone: 458,949

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO