Menya ibivugwa mbere y’umukino ugomba guhuza ikipe ya Manchester United na Atletico Madrid

Umutoza wa Manchester United Ralf Rangnick amaze kugira byinshi atangaza ku mukino ugomba guhuza ikipe ya Manchester United na Atletico Madrid aho yagize byinshi atangaza ku bakinnyi bagomba gukina uyu mukino ndetse n’abadahari.

Kuri uyu wa kabiri aya makipe yombi agomba kwesurana ku kibuga cya Old Trafford aho amakuru yemezako abakinnyi barimo Luke Shaw, Scott Mc Tominay, Bruno Fernandes bose babashije gukora imyitozo yo kuri uyu wa mbere.

Gusa kuri ubu haracyari urujijo ku mukinnyi ukina kuruhande rw’inyuma ibumoso ariwe Luke Shaw ntago byizewe neza niba araza gukina uyu mukino ugomba kuba muri iri joro.

Umukino ubanza wahuje aya makipe yombi mu gihugu cya Esipanye warangiye amakipe yombi aguye miswi aho yanganyije igitego 1-1 aho ikipe ya Atletico Madrid ariyo yafunguye amazamu ku gitego cya Joao felix aho cyaje kwishyurwa na Antony Elanga.

Umukino wo muri iri joro nihabura ikipe itsinda indi hagomba kwiyambazwa uburyo bwo gutera penaliti kugirango haboneke ikipe igomba kuza gukomeza hagati y’aya makipe yombi.

Mbere y’uyu mukino umutoza wa Manchester United mu kiganiro n’itangazamakuru yagize ati’’abakinnyi bose barahari kuri uyu mukino, gusa ikibazo gito gihari kiracyari kuri Luke Shaw, nubwo bwose yitozanyije n’abandi gusa turacyafite umwanya muto wo kumutegereza gusa abandi bakinnyi bose barahari biteguye neza uyu mukino ,ndetse umukinnyi Fernandes yasuzumwe Covid-19 dusanga nta bwandu afite niyo mpamvu agomba kuba ari kumwe natwe iri joro.

uyu mukino utegerejwe cyane muri iri joro aho ikipe ya Atletico Madrid ya Diego Simeon nabo biteguye neza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO