Menya impamvu nyamukuru ukwiye kurya umutwe w’ifi harimo no kugufasha kugabanya agahinda gakabije

Nubwo bwose turya umubiri w’ifi gusa zirikana ko kurya amafi ukirengagiza kurya umutwe wayo burya ntacyo uba ukoze kuko umutwe w’ifi ukungahaye ku ntungamubiri nyinshi kandi ni ingenzi ku buzima bwacu.

Ese ushishikazwa no kurya amafi ? Niba aribyo uba ugomba kumenya n’ukuntu kurya umutwe w’ifi ari inyamibwa.

Kenshi na kenshi abantu barya ifi, Nyuma bakajugunya umutwe wayo, Gusa icyo batazi ni uko kurya umutwe w’ifi biruta kure cyane kurya umubiri wayo.

Umutwe w’ifi ukungahaye ku ntungamubiri nyinshi, Vitamini nyinshi ndetse tutanibagiwe n’imyunyu ngugu.

Abantu benshi umutwe w’ifi urabaryohera ndetse bakanawukunda kuburyo batakora ikosa ryo kuwujugunya.

Hano rero twagukusanyirije inyungu zifatika umuntu yungukira mu kurya umutwe w’ifi.

1. Umutwe w’ifi ukungahaye ku ntungamubiri

Nk’uko bitangazwa na Dr Anjali akaba n’umushakashatsi ukomeye mu bijyanye n’imirire ya muntu, atangaza ko umutwe w’ifi urimo mirigarama 61 z’ikinyabutabire cya sodium, harimo kandi ikinyabutabire cyitwa choresterol.

Mu mafi nanone dusangamo ikinyabutabire cya potassium, hakabamo n’amagarama 22 ya poroteyine ikungahaye mu byubaka umubiri.

Umutwe w’ifi ni isoko y’intungamubiri dukenera buri munsi, Muri rusange kurya ifi n’umutwe wayo mu kigwi cyo kurya inyama zisanzwe bizagufasha kwirinda ibyago byo kurwara indwara y’umutima hamwe n’umwijima.

2. Kurya umutwe w’ifi ni isoko nziza yo kwakira ubwoko bw’intungamubiri zitwa "Omega 3"

Umutwe w’ifi uba ukungahaye kuri izi ntungamubiri kurusha umubiri w’ifi.
izi ntungamubiri zakurinda indwara y’umutima ndetse ubushakashatsi bwerekana ko izi ntungamubiri zigabanya ikinyabutabire cya choresterol mu mubiri iyo rero choresterol ibaye nyinshi nibwo ugira ibyago byo gufatwa n’indwara y’umutima.

3. Ni ingenzi cyane ku bwonko ndetse n’amaso yacu

umutwe w’ifi ni isoko nziza ya Vitamini A, iyi ifasha gukora neza kw’amaso mu buryo bwo kureba ndetse ikaba yafasha amaso kuramba ukamara igihe kinini ureba neza.

Iyi Vitamini A kandi iboneka mu mutwe w’ifi ifasha umubiri cyane mu bijyanye n’imikorere myiza y’ubwonko ku buryo ubushakashatsi bwerekana ko kurya ifi n’umutwe wayo byongera imitekerereze myiza no kwiyongera ku bwenge.

4. Kurya umutwe w’ifi bigabanya agahinda gakabije bikanafasha abafite ubumuga bwo mu mutwe

Gutafa ibiribwa bikungahaye ku ntungamubiri zitwa Omega 3 bigabanya umunaniro, agahinda gakabije ndetse binafasha abahuye n’ibibazo byo mu mutwe.

Nibyiza rero gufata ibiribwa birimo izi ntungamubiri tumaze kuvuga hejuru kuko ni inyamibwa ku buzima bwawe.

5. Kurya umutwe w’ifi bifasha abarwayi ba Diyabete

Umutwe w’ifi ufasha cyane abarwayi ba diyabete bitewe n’intungamubiri ziboneka muri uyu mutwe w’ifi uretse ibi kandi kurya umutwe w’ifi bifasha kwirinda izindi ndwara zishobora kukwibasira mu gihe urwaye iyi diyabete.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO