Messi uri gushakwa na Paris St-Germain ubu ni umukinnyi wigenga

Ikipe zirimo Manchester City, Paris St-Germain hamwe n’izindi zo muri Amerika zikomeje gushyirwa mu majwi yo gusinyisha, umwe mu bakinnyi beza b’ibihe byose Lionel Messi wamaze gusoza amasezerano ye mu ikipe ya FC Barcelona.

Yego, amezi 12 arashize ashatse kuva muri Barcelona bikanga, Lionel Messi ubu nta masezerano afite.

Iki cyamamare cyo muri Argentine amasezerano yacyo yarangiye mu ijoro ryacyeye, ntabwo aremera kuyongera.

Ibiganiro ku masezerano mashya bivugwa ko biri kuba, bivuze ko Messi ashobora guhitamo kuguma i Nou Camp.

Guillem Balague umwanditsi w’imikino muri Espagne mu ntangiriro z’iki cyumweru yavuze ko Barcelona "yazamuye urwego rwo kwihutirwa" kw’ibiganiro, mu cyizere ko batangaza amasezerano ye mashya y’imyaka ibiri mbere y’uku kwezi kwa karindwi.

Yagize ati: "Kongera amasezerano ya Messi ni intego y’ibanze ya perezida mushya Joan Laporta kandi ubu ari kuvugana na se wa Messi ubwe ari nawe umuhagarariye, Jorge Messi.

"Kugira ngo babashe kumugumana, bizasaba iyi kipe kugabanya imari ikoresha ho asaga miliyoni 200 z’ama-euro kugira ngo ihuze n’ingingo ya ’Financial Fair Play’ isabwa muri La Liga.

"Messi azi inyungu ziri mu yandi makipe, ariko kugeza ubu ntaravugana n’imwe muri zo, ategereje mbere na mbere kumva icyo Barcelona itanga."

Messi w’imyaka 34 byagiye bivugwa ko ashakwa cyane na Paris Saint-Germain na Manchester City, aho ashobora guhurira n’uwahoze amutoza Pep Guardiola, bivugwa kandi ko ashakwa no muri shampiyona ya Amerika.

Ubu ari muri Brazil aho ari gukina irushanwa rya Copa America na Argentine, ndetse yabaye umukinnyi wayihamagawemo kenshi ubwo kuwa kabiri yayikiniye ku nshuro ya 148 bakina na Bolivia atsinda ibitego bibiri muri 4 - 1 batsinze.

Messi ategereje kumva icyo Barcelona ivuga akabona gufata umwanzuro

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO