Messi yikoreye Argentine ku mugongo ayigeza ku mukino wa nyuma w’igikombe cy’Isi nyuma yo kwirenza Croatia

Ikipe y’igihugu ya Argentine yihanangirije ikipe y’igihugu ya Croatia aho umukino urangiye ikipe ya Argentine itsinze ibitego 3-0 ku bitego 2 bya Julian Alvarez n’igitego 1 cyatsinzwe na kizigenza Lionel Messi.

Igitego cya Mbere cyatsinzwe kuri Penaliti na Lionel Messi nyuma y’ikosa ryari rikorewe rutahizamu wa Manchester City Julian Alvarez.

Nyuma Kandi Julian Alvarez yongeye gutsinda igitego cya Kabiri ndetse bituma igice cya mbere kirangira ari ibitego 2-0.

Mu gice cya Kabiri ikipe y’igihugu ya Argentine yongeye kubona igitego cya Gatatu cyatsinzwe na Julian Alvarez ku mupira mwiza cyane yari ahawe na Lionel Messi.

Kuri ubu ikipe y’igihugu ya Argentine yamaze kugera ku mikino wa nyuma aho kugeza ubu Lionel Messi yakoze amateka yo kuba umukinnyi wa mbere umaze gutsindira ikipe y’igihugu ya Argentine ibitego byinshi mu gikombe cy’Isi.

Kuri ubu Lionel Messi yujuje ibitego 11 amaze gutsinda mu marushanwa y’igikombe cy’Isi ndetse kuri ubu amaze kugira uruhare rw’ibitego 19 mu gikombe cy’Isi aho anganya na Ronaldo Luis Nazario ndetse na Miroslave Close.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.