Mfite ubwisanzure busesuye!Kylian Mbappe yatangaje ko yisanzuye cyane mu ikipe y’igihugu kurusha muri Paris Saint Germain

Kylian Mbappe nyuma yo gufasha ikipe y’igihugu y’Ubufaransa kwisasira Austria yaboneyeho atangaza ko yisanzuye cyane mu ikipe y’igihugu mu bijyanye n’uburyo akinishwa mu kibuga kurusha mu ikipe ya Paris Saint Germain.

Uyu mukinnyi yatangaje ibi ubwo Ubufaransa bwari bumaze gutsinda Austria ibitego 2-0 harimo igitego cye gifungura umukino birangira bisasiye Austria mu mikino ya Nations League.

Uyu musore w’imyaka 23 y’amavuko yatangaje ko uburyo akinishwamo bizamufasha kwisanzura cyane ndetse ngo kuba Olivier Giroud azaba ari gukina nka rutahizamu ngo bizamufasha kwisanzura uko bikwiye mu kibuga.

Mbappe avuga ko uburyo umutoza w’ikipe y’igihugu Didier Deschamps amukinishamo ngo bitandukanye cyane n’uburyo akinishwa mu ikipe ya Paris Saint Germain.

Mbappe yagize ati:Abantu benshi batekereza ko hano ntarimo gukinishwa neza gusa baribeshya ahubwo nibwo nisanzuye kurushaho

Umutoza wanjye arabizi nko nkina ku mwanya umwe na Giroud niyo mpamvu ampa uburyo bwo kwisanzura cyane mu kibuga.

Mu mikino ishirize umutoza w’ikipe y’igihugu yahisemo gukinisha Olivier Giroud kuri nimero 9 maze bituma areka Mbappe asigara yisanzuye mu kibuga ndetse ibi ngo bifasha Mbappe kurushaho kwitwara neza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO