Mico The Best yasezeranye imbere y’amategeko - AMAFOTO

Umuhanzi Mico The Best n’umukunzi we Clarisse bitegura kurushinga baraye bavuye gusezerana imbere y’amategeko aho mu bahanzi bamuherekeje hari harimo Bruce Melodie.

Uyu muhanzi yaherukaga gutera ivi yambika impeta y’urukundo uyu mukobwa amusaba ko yamubera umugore. Igikorwa cyabaye kuya 4 Nyakanga 2021.

Ku munsi w’ejo hashize taliki ya 19 Kanama 2021 nibwo aba bombi bagiye gusezerana imbere y’amategeko aho umwe arahirira undi ko yemeye kubana nawe.

Iki gikorwa cyabaye ku isaha ya saa saba z’amanywa kibera mu murenge wa Nyarugenge mu karere ka Nyarugenge mu mujyi wa Kigali.

Nyuma yo kuva mu murenge we n’inshuti ze zatoranyijwe kubera kwirinda Covid-19 bahise bajya kwiyakirira muri Hotel Onomo iherereye mu Kiyovu.

Bamwe mu byamamare byifatanyije n’uyu muhanzi harimo Bruce Melodie na Producer Niz Beat hamwe n’abayobozi be bo muri Kikac Music Label.

Ubwo Mico yaganiraga na Genesis TV yavuze ko n’ubukwe ari vuba cyane.

Ati “Erega njyewe nkurikiza umuco Nyarwanda n’ibindi muzagenda mubimenya ni ugukora kimwe ukwacyo rwose ntakibazo ariko n’ibindi bisigaye ni vuba cyane.”



Nyuma yo kuva ku murenge biyakiriye kuri Onomo Hotel




Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO