Mikel Arteta yavuze ko Gabriel Jesus yatengushye Arsenal mu mukino banganyijemo na Southampton

Umutoza mukuru w’ikipe ya Arsenal Mikel Arteta yatangaje ko rutahizamu Gabriel Jesus yatengushye bikomeye Arsenal bigatuma inganya umukino bitari ngombwa.

Mu mpera z’iki cyumweru Arsenal ntabwo yabashije gutsinda umukino dore ko yanganyije n’ikipe ya Southampton igitego 1-1.

Muri uwo mukino ikipe ya Arsenal yafunguye amazamu ku gitego cy’Umusuwisi Granit Xhaka aho cyaje kwishyurwa mu gice cya Kabiri.

Ikipe ya Arsenal yagiye ibona uburyo bwinshi bwo gutsinda ibitego cyane cyane ku mahirwe yabonwe na rutahizamu Gabriel Jesus ariko akananirwa kuyabyaza umusaruro.

Umutoza we Mikel Arteta yavuze ko uyu rutahizamu we yabonye amahirwe menshi akayatera inyoni icyakora ngo azahora afite umwanya n’amahirwe kugirango arusheho gukora ibirenze.

Kugeza ubu Gabriel Jesus amaze gutsindira Arsenal ibitego 5 gusa ndetse amaze no gutanga imipira 3 yavuyemo ibitego kuva shampiyona yatangira.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.