Mina Sue Choi ukomoka muri Koreya y’Epfo yamaze kwegukana ikamba rya Nyampinga w’Isi 2022

Nyampinga Mina Sue Choi ukomoka muri Koreya y’Epfo yamaze kwegukana ikamba rya Nyampinga w’Isi 2022 aho yahigitse abandi bakobwa bagera kuri 85 ubwo bari muri Manila mu gihugu cya Philippines.

Muri iri rushanwa ryaberaga mu gihugu cya Philippines kandi Andrea Aguilera wa Colombia yegukanye ikamba rya Miss Fire naho Nadeen Ayoub wa Palestine yegukanye ikamba rya Miss water mu gihe kandi Sheridan Mortlock wa Australia yegukanye ikamba rya Miss water.

Kugeza ubu umukobwa witwa Nadeen Ayoub yaciye agahigo ko gutsindira ikamba rya Miss water kandi ariwe mukobwa wa Mbere uhagarariye Palestine mu mateka y’iri rushanwa.

Kuva mu mwaka wa 2001 iri rushanwa ryatangira rikunda kubera cyane mu gihugu cya Philippines nubwo rimwe na rimwe mu bihe byatambutse ryaberaga muri Vienna na Bali.

Igihugu cya Sudani y’Epfo nacyo cyahagarariwe n’umukobwa witwa Melang Kuol waciye agahigo ko kugaragaza ikimero n’uburanga kurusha abandi bakobwa bo muri iki gihugu.

Umwaka ushize umukobwa witwa Destiny Wagner ukomoka mu gihugu cya Belize yabaye umukobwa wa Mbere utsinze iri rushanwa mu mateka y’igihugu cye.





Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO