Misiri imaze gutangaza ko igiye kurega Senegal muri FIFA

Ishyirahamwe ry’umupira w’amaguru mu gihugu cya Misiri ryatangaje ko rigiye kurega Senegal ko abafana bayo babangamiye bikomeye abakinnyi ba Misiri bigatuma barata amahirwe yo kwerekeza mu gikombe cy’isi kigomba gukinirwa muri Qatar uyu mwaka.

Iri tangazo rikimara gusohoka abenshi batangiye kubifata nk’urucabana ndetse abenshi batunguwe bikomeye kuko abakurikiranira hafi iby’umupira w’amaguru bose bemeza ko abafana b’ikipe y’igihugu ya Misiri aribo badukanye ayo matwara bwa mbere bagakunda kuyakoresha nk’uburyo bwo gutitiza abo babaga bahanganye mu mikino itandukanye.

Umukinnyi Sadio Mane yabashije kwinjiza neza Penaliti yahesheje Senegal itike yo kujya mu gikombe cy’isi kigomba gukinirwa muri Qatar uyu mwaka naho mugenzi we bakinana bombi mu ikipe ya Liverpool ariwe Mohamed Salah yahushije penaliti ye ubwo bari bahanganye na Senegal muri penaliti.

Uyu mukino wagiye gukinwa ikipe y’igihugu ya Misiri ihabwa amahirwe dore ko yari ifite impamba y’igitego 1 yari yarabashije gutsindira I Cairo mu Misiri mu mukino ubanza nyamara ibintu byaje guhindurira isura kuri Stade nshya yitwa Diamniadio Olympic stadium ndetse iyi stade iherereye mu murwa mukuru wa Senegal Dakar aho ifite ubushobozi bwo kwakira abafana barenga ibihumbi mirongo itanu(50,000).

Uyu mukino warangiye mu mikino yombi aya makipe abiri anganya igitego 1-1 ndetse n’iminota yari yashyizweho ntacyo yabashije guhindura aho byatumye hiyambazwa penaliti gusa ntabwo penaliti zabashije guhira ikipe ya Misiri dore ko yaje gusezererwa kuri penaliti 3-1 bituma isezererwa ityo itaha yimyiza imoso.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO