Miss Africa: Ubwiza bw’abakobwa bambaye ’Bikini’ bahatanye na Yasipi (Amafoto)

Uwihirwe Yasipi Casmir wabaye igisonga cya mbere cya Miss Rwanda 2019 ahagarariye u Rwanda mu irushanwa rya Miss Africa Calabar riri kubera muri Nigeria. Abakobwa bose bahatanye biyerekanye mu mwambaro wa Bikini.

Iri rushanwa rihurije hamwe abakobwa baturutse mu bihugu bitandukanye bya Afurika.

Yasipi Casmir na bagenzi be bifotoje amafoto atandukanye arimo n’ay’umwambaro wo kogana uzwi nka bikini adakunze kuvugwaho rumwe mu Rwanda aho bamwe bavuga ko umukobwa wa wambaye aba yakoze ibihabanye n’umuco.

Abakobwa babiri bo mu bihugu birangwamo amahame ya Islam nka Somalia, Maroc bo bambaye uyu mwenda barangije bakingaho imyitero.

Iri rushanwa riri kuba ku nshuro ya gatanu rihuje abakobwa 20 baturutse mu bihugu bitandukanye byo ku mugabane w’Afurika.

Kuri iki cyumweru tariki 27 Ukuboza 2020 aba bakobwa bakorewe ibirori byo kwakirwa mu mujyi w’ubukerarugendo wa Calabar byaranzwe n’akarasisi n’imbyino zo muri Nigeria.
Biteganyijwe iri rushanwa rizasozwa tariki 30 Ukuboza 2020, ubwo hatangazwa Miss Africa Calabar 2020 n’ibisonga bye bibiri.

Umukobwa uzaba wahize abandi azahembwa ibihumbi $50 ndetse n’imodoka yo mu bwoko bwa SUV.

Azaba asimbuye umunyakenyakazi Irene Ng’endo Mukii wambitswe iri kamba mu mwaka ushize.

Yasipi Casmir uhagarariye u Rwanda muri Miss Africa Calabar

Amafoto agaragaza abandi bakobwa bahatanye mu mwambaro wa Bikini











Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO