Miss Global Beauty: Hamenyekanye Abakobwa 6 bazaserukira u Rwanda mu marushanwa mpuzamahanga

Ku gicamunsi cyo kuwa kane tariki ya 24 Kamena 2021 nibwo irushanwa rya Miss Global Beauty 2021 ryaberaga mu Rwanda ryasojwe aho abakobwa 6 bahize bandi bambitswe amakamba abahesha itike yo kuzahagararira u Rwanda mu marushanwa mpuzamahanga.

Uyu muhango wabaye hubahirizwa mabwiriza yo kwirinda Covid-19, ibirori bibera ku I Rebero mu karere ka Kicukiro aho witabiriwe n’abantu bacye mu rwego kwirinda.

Mu bakobwa bose bari bitabiriye batandatu nibo begukanye amakamba abahesha uburenganzira bwo kuzahagararira u Rwanda mu marushanwa mpuzamahanga muri abo bakobwa harimo "Gretta Iwacu watwaye ikamba ry’igisonga cya kane wari unafite rya Miss Congeniality.

Grace Ingabire witabiriye Miss Supranational 2020 wabaye igisonga cya gatatu muri iri rushanwa, Bayizere Diane wabaye igisonga cya kabiri muri iri rushanwa na Honorine Uwase wabaye igisonga cya mbere.

Abandi babonye amakamba ni Dorinema Queen wegukanye ikamba ry’umukobwa ufite isura nziza kurusha abandi.

Stella Matutina wakunze guhiga bagenzi be mu majwi yegukanye ikamba rya Miss Tourism World Rwanda 2021.

Clémentine Uwimana yegukanye ikamba rya Miss Glam World Rwanda 2021 n’irya Long Gown.

Rutayisire Cynthia Umutesi yabaye Miss Tourism Global Rwanda 2021 naho Landrine Gisagara Uwicyeza atwara irya Miss Golden Africa Rwanda 2021 na Miss Photogenic ndetse na Irera Queen Isabella wabaye Miss World Top Model Rwanda 2021.

Abakobwa bahize abandi bambitswe amakamba abahesha itike izabajyana mu marushanwa mpuzamahanga arimo Miss Tourism Global izabera mu Bushinwa, Miss Africa Golden izabera muri Turikiya, World Top Model, Miss Tourism World, Miss Glamour Faces World na Miss Glam World.

Ndekwe Paulette uharagarariye Embrace Africa mu Rwanda yateguye iri rushanwa yavuze ko bishimiye uko irushanwa ryari rimeze n’ubwo ryabaye mu bihe bigoye bya Covid-19 aho abantu batabashije kuritabira neza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO