Miss Ruzindana Kelia yavuze ukuri ku cy’ibatsi cy’urukundo ruvugwa hagati ye na Element

Miss Heritage Ruzindana Kelia ni umwe mu bakunzwe cyane ubwo yahataniraga ikamba rya Nyampinga w’U Rwanda 2022, gusa yaje kwambikwa ikamba ry’umukobwa wagaragaje umuco kurusha abandi. uyu mukobwa yahishuye ibijyanye n’urukundo ruri kuvugwa hagati ye na Element.

Uyu mukobwa yatangaje ko ubwo yari muri Miss Rwanda ngo yararaga asenga cyane kugirango azagire ikamba yegukana kandi ngo riherekejwe n’umugisha we.

Mu kiganiro uyu mukobwa yagiranye n’itangazamakuru yavuze ko ikintu cyamutunguye cyane ubwo yari mu mwiherero yavuze ko ari ukuntu abakobwa bose baturukaga mu Ntara zitandukanye ariko bagahita bahuza kuburyo bworoshye.

Yakomeje kandi avuga ko bagize amahirwe yo kugira abayobozi beza babahoraga hafi ubwo bari mu mwiherero ndetse ngo we byaramutunguye kuko yumvaga ko abayobozi babo ari abantu bigoye ko bababa hafi bigatuma babisanzuraho.

Abajijwe ku bijyanye n’umukobwa yabonaga ukwiye kwegukana ikamba yasubije ko yabonaga buri mukobwa wese afite ubushobozi koko buri umwe yakomezaga gutungurana ku giti cye ku buryo ngo yumvaga uko biri kose umwe muri bo ariwe wagombaga kwegukana ikamba gusa nanone ngo ntiyari azi uwaryegukana kuko bose ngo bari bashoboye.

Ruzindana kandi yabajijwe ibibazo bijyanye n’umusore bivugwa ko bari mu rukundo ariwe producer Element, uyu mukobwa yasubije ko ari inshuti ye by’umwiharuko

Abajijwe impamvu uyu musore yamushyigikiye cyane mu gihe yahataniraga ikamba yasubije ko ari ibisanzwe ndetse we aboneraho kuvuga ko abantu babonye amushyigikiye cyane bahita bumva ko bakundana gusa yemeje ko ataribyo.

Uyu mukobwa yabajijwe uko byagenda mu gihe Producer Element yaba amufitiye amarangamutima maze akumva mu kiganiro avuga ko badakundana maze uyu mukobwa asubiza ko nta kibazo yabibonamo kuko ngo bari inshuti bisanzwe gusa ngo bibaye ngombwa ko bitamushimisha ubwo ngo yaboneraho kubimubwira akabimenya ko amukunda.

Miss Heritage Ruzindana kelia yasoje avuga ko akeneye umukunzi kandi umukunda by’ukuri kuburyo atamubangikanya n’abandi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO