Miss Ingabire Grace yahawe ibendera ry’igihugu mbere y’uko ajya muri Miss World 2021

Kuri uyu wa kane tariki ya 18 Ukwakira 2021 Nyampinga w’U Rwanda 2021 Ingabire Grace yashyikirijwe Ibendera ry’U Rwanda n’umunyamabaganga wa Leta muri Minisiteri y’urubyiruko n’ Umuco Minisitiri bamporiki Edouard mbere y’uko ajya guhagararira u Rwanda mu marushanwa ya Miss World 2021.

Ingabire Grace watorewe kuba Miss Rwanda 2021, ni nawe ugomba guhagararira igihugu muri iri rushanwa rigiye kuba ku nshuro ya 70.

Mbere y’uko afata indege yerekeza muri Puerto Rico, Ingabire Grace yabanje kubonana n’Umunyambanga wa Leta Ushinzwe Umuco, Bamporiki Edouard, amuha impanuro ndetse n’ibendera rigaragaza ko ahagarariye igihugu cy’u Rwanda.

Ingabire Grace ni we munyarwandakazi wa gatanu witabiriye iri rushanwa nyuma ya Mutesi Jolly (2016), Iradukunda Elsa (2017), Iradukunda Liliane (2018) na Nimwiza Meghan (2019). Muri aba bose nta n’umwe wigeze yegukana igihembo mu bihatanirwa.

Miss Rwanda 2020, Nishimwe Naomie ntabwo yigeze abasha kwitabira iri rushanwa kuko ryasubitswe bitewe n’icyorezo cya COVID-19.

Biteganyijwe ko ikamba rya Miss World 2021 rizatangwa tariki 16 Ukuboza 2021, aho Toni-Ann Singh wo muri Jamaica azasimburwa nyuma y’imyaka ibiri ari ku ngoma.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO