Miss Mutesi Aurore yemeje ko urugendo rwe na Mbabazi Egide rwageze ku iherezo

Miss Mutesi Aurore Kayibanda wabaye Nyampinga w’u Rwanda mu 2012 yemeje ko urukundo rwe na Mbabazi Egide bari barasezeranye kubana akaramata rwamaze kugera ku ndunduro.

Mutesi Aurore uba muri Leta zunze Ubumwe za Amerika ibi yabitangaje mu kiganiro imbonankubone yagiranye n’umunyamakuru, Ally Soudy kuri Instagram.

Hari haciyemo iminsi ibi bivugwa nk’ibihuha kubera ko ibi byamamare nta n’umwe wari ugikurikirana undi ku mbuga nkoranyambaga.

Mutesi yagize ati "Icyo nahamya ni uko urugendo rwanjye na Egide rwarangiye, twaratandukanye, ariko iki kibazo kirareba impande ebyiri. Ni yo mpamvu nta kindi kintu kinini ndi bubivugeho, gusa twaratandukanye."

Mutesi Aurore Kayibanda na Egide Mbabazi bari bamaze imyaka isaga itanu bakundana. Ku wa 1 Werurwe 2018 ni bwo hasakajwe amafoto y’uko Mbabazi yambitse impeta y’urukundo Miss Mutesi Aurore ndetse no muri Nyakanga bahamya urukundo rwabo bahana isezerano mu mategeko.

Mutesi Aurore yabaye Nyampinga w’u Rwanda mu 2012, anambikwa ikamba rya Miss FESPAM ryatangiwe mu Mujyi wa Brazzaville mu iserukiramuco Nyafurika rya muzika, Festival Panafricain de la Musique, mu 2013.


Mutesi Aurore yemeje ko yatandukanye n’umugabo we


Bari bamaze imyaka igera kuri itanu bakundana

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO