Miss Naomie yashimiwe n’ibyamamare bitandukanye birimo Kitoko na Meddy nyuma yo gufata umwanzuro wo kubatizwa

Byari ibyishimo bikomeye cyane ku muryango wa Miss Naomie nyuma yo kubatirizwa umunsi umwe na se mu mazi magari bakavuka ubwa kabiri mu itorero rya Noble Family Church riyobowe na apotre Mignone Kabera.

Abinyujije kuri konti ye ya Instagram Miss Nishimwe Naomie wabaye Miss Rwanda wa 2020 yasangije abantu uko byari bimeze ku munsi wo ku cyumweru taliki ya 27 Werurwe 2022 ubwo yafataga umwanzuro wo kwakira agakiza akabatirizwa mu mazi menshi.

Mu mashusho yasangije abantu yerekanye ari kumwe n’umuryango we ndetse n’abandi batandukanye bari bamuherekeje aho yerekanye ajya mu mazi magari akabatizwa bikozwe n’umushumba wa Noble Family Church Apotre Mignone Kabera.

Miss naomie mu magambo yakurikiye aya mashusho yavuze ko wari umwanzuro mwiza afashe mu buzima bwe, aho yavuze ati’’’uyu ni umwanzuro mwiza mfashe mu buzima bwanjye.

Miss Nishimwe Naomie yabatirijwe rimwe na se hamwe n’abavandimwe be bane ndetse na nyirasenge, bose bashimiye Imana ku ntambwe babashije gutera.

Nyuma yo gufata uyu mwanzuro, Miss Naomie yashimiwe n’ibyamamare bitandukanye birimo Meddy na Kitoko aho bamushimiye umwanzuro mwiza yafashe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO