Miss Rwanda 2022: Isimbi Habibah ni umwe mu bakobwa 70 bafite umushinga wihariye wo gufasha Abanyarwanda

Isimbi Habibah ni umwe mu bakobwa 70 bari guhatanira itike izabinjiza mu myanya 20 ya mbere izaba igize umwiherero wa Miss Rwanda 2022. Uyu mukobwa ufite nimero 19 twaganiriye ndetse avuga ko afite umushinga wihariye cyane wo gufasha Abanyarwanda.

Isimbi Habibah ni umwe mu bakobwa 70 bari guhatanira itike izabinjiza mu mwiherero wa Miss Rwanda 2022 uzaba ugizwe n’abakobwa 20.

Isimbi ni umukobwa w’imyaka 21 akaba yiga Civil Engineering, mu mwaka wa kabiri muri Kaminuza ya Ines Ruhengeri.

Mu kiganiro na Genesisbizz yatubwiye ko mu buzima busanzwe akunda koga muri pisine, akaba yarigeze no kuba umukinnyi wa Netball.

Uyu mukobwa urangwa na nimero 19 atubwira impamvu yinjiye mu marushanwa ya Miss Rwanda 2022, yagize ati :" Uyu munsi ndifuza kuba umwe mu bazegukana ikamba rya Miss Rwanda 2022 kubera ko nifuza gutanga umusanzu ku gihugu cyanjye binyuze mu mushinga nateguye uzafasha benshi, Ndetse ndifuza kuba impamvu izatuma U Rwanda rutera imbere."

Tumubajije ku mushinga yateguye yatubwiye ko amatsiko yose Abanyarwanda bazayashira ku wa Gatandatu tariki 26 Gashyantare 2022, ubwo hateganyijwe amajonjora azinjiza abakobwa 20 mu mwiherero aho babiri barusha abandi amajwi bo bazahita bahabwa PASS.

Kugeza ubu ibikorwa byo gutora biracyakomeje kuri murandasi no ku bakoresha ubutumwa bugufi (SMS).



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO