Miss Universe: Maroc izajya muri Isiraheli nyuma y’imyaka 40 ititabira

Ubwami bwa Maroc bugiye kohereza umukandida wabwo uzabuhagarara mu marushanwa ya Miss Universe azaba ku nshuro ya 70 nyuma y’imyaka 40 iki gihugu kititabira iryo rushanwa.

Aya makuru yatangajwe na Perezida w’akanama gategura irushanwa rya Miss Universe Paula Shugart, uyu muyobozi yavuze ko kuri iyi nshuro kandi hazitabira n’umukandida ukomoka muri Leta Zunze ubumwe z’Abarabu uzaba yitabiriye iri rushanwa bwa mbere kuva ryabaho.

Ku ya 17 Gicurasi uyu mwaka nibwo Miss Univers uriho ubu Andrea Meza yambitswe ikamba nyuma y’uko iri rushanwa ryasubitswe umwaka urenga kubera icyorezo cya Covid-19.

Uyu Umunyamerikakazi w’imyaka 26 y’amavuko yatsinze abandi bagore 73, barimo Julia Gama (Miss Brazil) na Janick Maceta Del Castillo (Miss Peru), bari ku mwanya wa mbere n’uwa kabiri.

Uyu muyobozi kandi yavuze ko nanone ku nshuro ya gatandatu ibirori bya Miss Universe bizayoborwa n’umunyamakuru akaba n’Umunyarwenya w’Umunyamerika Steve Harvey.

Ibi bihugu birimo Maroc na Sudani bizitabira iri rushanwa kubera ko umubano byari bifitanye na Isiraheli waje kongera kumera neza.

Biteganyijwe ko aya marushanwa azaba tariki ya 12 Ukuboza 202 I Eilat Muri Isiraheli aho urutonde rw’abakandida bose bazitabira narwo ruzashyirwa ahagaragara mu gushyingo uyu mwaka wa 2021.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO