MissRwanda : Alliance na Naomi bafite amahirwe yo gukomeza

Irasubiza Alliance na Nishimwe Naomi kugeza ubu nibo bakobwa bafite amahirwe yo kuzajya mu mwiherero bitewe n’uko aribo bari imbere ku majwi ari gukorwa yaba kuri internet no mu buryo bwo ku butumwa bugufi.

Mukiganiro giheruka cy’abategura Miss Rwanda n’itangazamakuru bavuze ko uyu mwaka abakobwa babiri bazarusha abandi kugira amajwi menshi bazahita bakatisha itike yo kujya mu mwiherero.

Ubu harabura umunsi umwe gusa kugirango hatorwe abandi 18 bazajyana nabo mu mwiherero.

Ubu aho bigeze abari gutora aba bakobwa ntabwo bari kuryama kuko umunota ku w’undi biri kugenda bihindagurika, usinziriye gato agaruka asanga mugenzi we yamwanikiye.
Gusa abakobwa babiri barimo uwitwa Nishimwe Naomi na Irasubiza Alliance nibo bakomeje kwiharira imyanya ibiri ya mbere nubwo bari kugenda basimburana buri kanya.

Kuva gutora byatangira bagiye bakubana umwe akarusha undi ikinyuranyo kitarenze amajwi ijana. Ubakurikira ku mwanya wa gatatu we bamaze kumuta cyane kuko bamusizemo hafi ibihumbi icumi by’amajwi.

Magingo aya uri imbere ni Nishimwe Naomi n’amajwi 86 342, akurikirwa na Irasubiza Alliance ufite amajwi 86 263, uza ku myanya wa gatatu ni uwitwa Kirezi Rutaremara Brune afite amajwi angana na 77 640 . Aba bakobwa usanga aribo bahataniye gukomeza kuko uwa kane witwa Ishimwe Melyse ubu afite amajwi angana n’ibihumbi 35 421 (Akubwe kabiri n’uwo akurikira).

Umukobwa uri ku mwanya wa nyuma ni uwitwa Uwimana Joyeuse we akaba afite amajwi angana na 161.

Amajwi yo kuri telefone afite agaciro 60% ayo kuri interineti 20% mu gihe uko umuntu yakunzwe mu gihe cy’irushanwa bizahabwa nabyo 20%.

Biteganyijwe ko irushanwa ryo gutora abakobwa bazakomeza mu mwiherero rizaba tariki 01 Gashyantare 2020 I Gikondo ahasanzwe habera imurikagurisha mpuzamahanga.

Umwiherero uzabera I Nyamata muri Golden Tulip Hotel guhera tariki 09 Gashyantare 2020 irushanwa risozwe tariki 29 uko kwezi.

Uko abakobwa barushanwa ku majwi


Nishimwe Naomi ubu niwe uyoboye urutonde


Iribagiza Alliance niwe uza ku mwanya wa kabiri


Rutaremara Brune nubwo bamurushije amajwi menshi uyu munsi aracyabagwa mu ntege

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO