Mister Rwanda 2022: Kuri uyu wa gatanu harakorwa amajonjora ku bahagarariye intara y’Uburasirazuba

Kuri uyu wa gatanu tariki 25 Werurwe nibwo hateganyijwe gutangira amajonjora rusange mu irushanwa Mister Rwanda mu gushaka abazahagarira intara y’Uburasirazuba mu marushanwa yo gushaka Rudasumbwa w’U Rwanda.

Mister Rwanda ni irushanwa rigiye kuba ku nshuro yaryo ya mbere, ni irushwana ritegurwa na Imanzi Agency Limited.

Kuri uyu wa gatanu tariki 25 Werurwe 2022, nibwo abasore biyandikishije bahagarariye intara y’Uburasirazuba bari butoranywemo abahiga abandi mu bukaka n’ubushongore, umuco n’ubwenge.

Ibirori byo gutoranya abasore bahiga abandi biteganyijwe kubera i Rwamagana kuri Dereva Hotel.

Biteganyijwe ko uzegukana iri rushanwa azahembwa imodoka nshya yo mu bwoko bwa Toyota Celica ifite agaciro ka miliyoni 10 z’amafaranga y’U Rwanda yatanzwe na Tom Transfers uyu akaba ari umuterankunga w’iri rushanwa.

Ibindi bihembo bizahembwa Mister Rwanda 2022 (Rudasumbwa) harimo guhabwa itumanaho ry’ubuntu rya murandasi na Mango 4G azakoresha umwaka wose ndetse akanahabwa telefone zigezweho (smartphone) ya Mango.

Haziyongeraho kandi gucumbikirwa inzu yo kubamo (apartment) mu gihe cy’umwaka wose.

Imodoka iteganyijwe guhembwa Mister Rwanda 2022.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO