Mohammed Sarah yaciye amarenga ko atazaguma muri Liverpool

Mohammed Sarah yamaze gutangaza ko igihe yava mu ikipe ya Liverpool atazaba ari ikibazo cy’amafaranga ndetse uyu mukinnyi aravuga ko atazi niba azaguma muri iyi kipe.

Ibi uyu mukinnyi abitangaje nyuma y’uko habura umwaka umwe gusa ngo amasezerano ye abe ageze ku musozo, gusa uyu mukinnyi yakomeje gufasha cyane iyi kipe kuva yayigeramo ndetse ubu ni umwe mu bakinnyi bakomeye ku Isi kandi agenderwaho cyane mu ikipe ya Liverpool.

Uyu mugabo ukomoka mu gihugu cya Misiri yatangiye kuzamura urwego rwe rw’imikinire kuva yagera mu ikipe ya AS Roma mu gihugu cy’Ubutaliyani gusa no kuva yagera muri Liverpool yakomeje kuba indashyikirwa mu busatirizi bw’iyi kipe.

Aganira n’ikinyamakuru cyitwa Four Four Two uyu mugabo yaciye amarenga ku bijyanye n’amasezerano ye aho avuga ko atazi niba azongera amasezerano mu ikipe ya Liverpool ndetse uyu mugabo akomeza avuga ko nayisohokamo bitazaba ari ikibazo cy’amafaranga.

Uyu mukinnyi Muhammed Sarah yabanje guca mu ikipe ya Chelsea ayivamo yerekeza mu ikipe ya AS Roma ndetse kuva yagaruka muri shampiyona y’Ubwongereza uyu mugabo amaze gutwarana n’ikipe ya Liverpool ibikombe bigera kuri bitandatu harimo igikombe cya Shampiyona ndetse n’igikombe cya Champion’s League.

Uyu mukinnyi kandi amaze gukinira ikipe ya Liverpool imikino 245 aho amaze kuyitsindira ibitego 155 ndetse kuri ubu uyu mukinnyi aza ku mwanya wa 9 mu bakinnyi bamaze gutsindira iyi kipe ibitego byinshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO