Morocco byarangiye akagozi gacitse maze Mbappe na bagenzi be bageza Ubufaransa ku mukino wa nyuma w’igikombe cy’Isi

Ikipe y’igihugu y’Ubufaransa bakunda kwita Les Bleus yaraye yitwaye neza maze itsinda ikipe y’igihugu ya Morocco ibitego 2 -0 bituma iyi kipe igera ku mukino wa nyuma aho igomba kwesurana n’ikipe y’igihugu ya Argentine ku cy’umweru taliki ya 18 Ukuboza 2022.

Ikipe y’igihugu y’Ubufaransa yagiye gukina na Morocco yari ifite agahigo kuko nta kipe irabasha kuyinjiza igitego nyamara ku munota wa 5 gusa Theo Hernandez yahise agungura amazamu.

Icyakora ikipe y’igihugu ya Morocco ntabwo yari insina ngufi kuko nayo yacishagamo ikataka bikomeye ariko amahirwe ntayisekere.

Mu gice cya Kabiri Ubufaransa bwakomeje kwatakana imbaraga ku buryo bukomeye maze bituma ikipe y’igihugu ya Morocco itsindwa igitego cya Kabiri ku munota wa 79 w’umukino ku kazi gakomeye cyane kakoze na Kylian Mbappe igitego cyatsinzwe na Randal Kolo Muani.

Kuri ubu hategerejwe kureba uzitwara neza hagati ya Lionel Messi na Kylian Mbappe ubwo Argentine izaba ihanganye n’Ubufaransa kuri iki cyumweru.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.