Mr Kagame yakuye Eesam mu ndirimbo ‘Bella’ atabizi

Umuhanzi Eesam yatunguwe no kubona indirimbo yari yarakoranye na Mr Kagame isohotse atariwe uri kuyiririmbamo ahubwo aza gutungurwa no kubona barashyizemo undi muhanzi ariwe Seyn.

Iyo ndirimbo yitwa ‘Bella’ yasohotse taliki ya 11 Nzeri 2021. Yakozwe n’aba Producer barimo Ayo Rush, X On the Beat na Herbert Skillz naho amashusho yo atunganywa na Harris.

Amakuru yizewe agera kuri Genesis tv ni uko iyi ndirimbo ya Mr Kagame yari yarayikoranye na Eesam gusa we aza kwisanga isohotse atarimo.

Uwaduhaye ayo makuru yavuze ko byababaje uyu muhanzi kuko yumvaga ko ikintu nk’icyo kitabaho kuko Mr Kagame yari umuntu yizeye cyane.

Ati “Niba uzi ijwi rya Eesam n’ubu wumva iyo ndirimbo ukaryumva, kuko Seyn yaje asubiramo ibyo Eesam yaririmbye kubigenderamo neza byabaye nk’ibimugora bituma agendera kuha Eesam biba ngombwa ko hasigaramo n’ijwi rye."

Akomeza avuga ko Eesam atigeze anamenya igihe amashusho y’iyo ndirimbo yafatiwe yewe ngo nta nubwo Mr Kagame yigeze amuhamagara wenda ngo amubwize ukuri cyangwa impamvu yamukuye muri iyo ndirimbo.

Mu bahanzi Nyarwanda ntabwo iyi nkuru ari nshyashya kuri hari benshi bagiye babivugwamo ko amajwi yabo yasibwe mu ndirimbo.

Inkuru nk’iyi yaherukaga muri 2019 ubwo umuhanzi Bruce Melodie yasibaga amajwi ya Asinah mu ndirimbo yitwa ‘Fresh.’

Kuri Asinah we kwihangana byaranze abinyuza ku mbuga nkoranyambaga ze n’umujinya mwinshi amwihanangiriza amubwira ko azabona ububi bwe bitewe n’indirimbo bakoranye yajya kuyisohora agasibamo igitero cye.


Eesam yatunguwe no kubona indirimbo isohotse atarimo


Mr Kagame ntabwo yigeze amusobanurira impamvu yamusimbuje mu ndirimbo ye


Seyn niwe wasimbujwe Eesam muri iyi ndirimbo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO