Mu Rukali hakiriwe imfizi y’inyambo bagabiwe na Perezida Kagame

Mu Rukali hakiriwe imfizi y’inyambo, Nyakubahwa Perezida wa Repubulika Paul Kagame yagabiye Ingoro y’Umurage w’Amateka y’Abami iherereye mu karere ka Nyanza.

Ni umuhango wabaye kuri uyu wa gatandatu, tariki ya 8 Gashyantare, ukabera ku Ingoro y’Umurage w’Amateka y’Abami, ahasanzwe hamurikirwa izindi nyambo.

Mu kwakira Iyi mfizi y’inyambo,umuyobozi w’ingoro z’umurage mu Rwanda, bwana Masozera Robert yashimiye cyane Nyakubahwa Perezida wa Repubulika Kuba yarahaye Abanyarwanda Ingoro nziza y’Umurage w’Amateka y’Abami imurikwamo inyambo zari zaribagiranye mu muco n’amateka by’u Rwanda.

Yavuzeko ari ishema ku Ingoro z’Umurage mu Rwanda Kuko iyi mfizi ije kongera agaciro k’imurika ry’inyambo zimurikirwa abashyitsi basura Iyi ngoro, yizeza ko Iyi mfizi izafatwa neza, izatanga umusaruro mu kuzamura ubukerarugendo bushingiye Ku muco, aka ari nayo nyiturano y’ingoro z’umurage mu Rwanda.

Ikigo cy’Ingoro z’Umurage w’u Rwanda cyatangaje ko Perezida Kagame akigabiye iyo mfizi nyuma yo kubona ko ikenewe muri gahunda asanzwe agira zo gukurikirana ibikorwa bibera mu ngoro y’abami yo mu Rukali akabona ko hakenewe imfizi nziza kugira ngo zororoke n’abazisura babyishimire.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO