Mu Rwanda hafunguye ikigo gishya cyerekana filime kuri Murandasi

Mu gihe abanyarwanda ndetse n’isi yose bugarijwe n’icyorezo cya Covid-19 bimwe mu bihugu byinshi bikaba bisigaye bikunze kuba biri muri gahunda ya guma mu rugo, aho abantu benshi Babura ibyo bakora ni nako abahanga mu bijyanye n’imyidagaduro bakoresha uko bashoboye ngo bashake uko abantu batakwicwa nk’irungu .

Ni muri ubwo buryo mu Rwanda hafunguwe urubuga rushya ruzajya rwerekana Filime zose kw’isi hose rwa Cinetie rukazafasha abantu kujya birebera filime zigezweho ku giciro kinyuze buri wese .

Umuyobozi wa Cinetie mu Rwanda Ishimwe Théodore yatangarije GenesisTV/Bizz ko ikigo cyabo cyizanye itandukanyirizo ndetse n’umwihariko mu gucuruza no kwerekana filime ukurikije ibyari bisanzwe.

Yagize ati: "dukurikije aho ibihe bigeze muri iyi minsi ibigo byinshi bigurisha filime cg bizerekana binyuze kuri murandasi birahenda cyane ariko twe twifuza ko buri munyarwanda wese aho ari hose kw’isi yazajya abasha kwirebera filime bimworoheye yaba iyo hanze cyangwa mu Rwanda,bizajya bimusaba gusa kuba yakwishyura binyuze kuri murandasi cg ubundi buryo bwose bukoreshwa nka mobile money , spenn cyangwa se credit card akabasha kwirebera filime ashaka aho yaba ari hose akoresheje igikoresho cyose cy’ikoranbuhanga"

kubijyanye n’ibiciro yavuze ko kugeza ubu ku mafaranga 2000 by’amanyarwanda bihwanye n’amadorali abiri ku kwezi Wabasha kwirebera filime nta nkomyi .

Ku ruhande rw’Umuyobozi w’Urugaga rwa Filime mu Rwanda Kwezi Jean yavuze ko uru rubuga ruziye igihe kandi rutaje guteza imbere filime mpuzamahanga gusa ko ahubwo ari umwanya mwiza wo kugira ngo abanyarwanda babashe kwigaragaza mu ruhando mpuzamahanga ndetse n’abanyarwanda babonereho kwibonera filime nyinshi nyarwanda batabashaga kubona kubera ubushobozi .

Tubamenyeshe ko uru rubuga rufite uburyo butatu abifuza kurebe filime bashobora gukoresha bitewe n’ubushobozi bwabo aho hari ubwa Amadorali 2 ku kwezi , 5 na 10 ku kwezi umuntu agahira yirebera sinema kuri www.cinetie.com.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO