Mu Rwanda hamuritswe Filime ikozwe mu buryo nk’ubwa Spider-Man

Iyi filime yaraye imuritswe bayise ‘Ze match’ yanditswe n’Umuhinde ariko ikinwa n’Abanyarwanda ikaba iri no mu rurimi rw’Ikinyarwanda. Umwihariko wayo ni uko ikozwe mu buryo bwa Animation ibintu bitamenyerewe mu Rwanda.

Igikorwa cyo kumurika iyi filime cyaraye kibereye I Nyarutarama muri Orient Hotel aho kitabiriwe n’abakoze kuri iyi filime harimo n’abandi bafite aho bahurira n’imyidagaduro n’itangazamakuru.

Bamwe mu bakinnyi bagaragara muri iyi filime izaba ari uruhererekane ni “Daniel Gaga ukina yitwa Boss, Ugirumurera Claudine ukina yitwa Rita,Twizeyimana Bahati ukina yitwa Rurangiza na Rutungura Joseph ukina yitwa Nkuba.”

Inkuru y’iyi filime ivuga ku witwa Nkuba, uba ashaka kurenganura abantu banyuranye baba bapfa umukobwa ariko akabanza kumenya neza uri mukuri n’uri mu makosa.

Daniel Gaga uzwi nka Ngenzi ni umwe mu bakinnye muri iyo filime, avuga ko byabanje kumugora cyane gukina akoresheje ijwi rye nta mashusho.

Ati “Imyaka maze muri Sinema iki ni ikintu gikozwe cyitandukaniro kandi kerekana ko tutavunikiye ubusa kuko birerekana iterambere ryaho tugeze.”

Baributsa Rodrigue wayoboye ifi filime avuga ko bakoze itandukanye nizisanzwe ziba mu Rwanda kubera ko ahandi ku Isi filime zikoze mu bwoko bwa Animation zagiye zikundwa cyane.

Ati “Urebye ku Isi muri filime zakunzwe harimo izitwa Batman, Spiderman… Nahoraga nibaza impamvu twe ino aha tutakora nk’ibyo ahandi bakora ariko tukabikora mu rurimi rwacu n’umuco, bityo abana b’i Rwanda ntibarangamire iby’imahanga kuruta ibya hano.”

Iyi filime biteganyijwe ko izangira kwerekanwa mu kwezi gutaha binyuze ku matekeviziyo atandukanye ndetse no ku mbuga zabugenewe mu kwerekana filime.


Rodrigue wayoboye iyi filime avuga ko Abanyarwanda n’abo bari bakeneye filime zikozwe mu buryo bwa Animation

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO