Mu Rwanda hatangiye irushanwa ryitwa African Schools Championship ku bufatanye na CAF

FERWAFA hamwe n’ishyirahamwe ry’imikino mu mashuri batangije irushanwa rya African Schools Championship 2022 aho iri rushanwa rigamije kuzamura impano z’abakiri bato binyuze miu bigo by’amashuri bitandukanye.

Iri rushanwa ryatangijwe ku bufatanye n’amashyirahamwe atatu atandukanye harimo ishyirahamwe ry’umupira w’amaguru muri Afurika (CAF), ishyirahamwe ry’umupira w’amaguru mu Rwanda (FERWAFA), hamwe n’ishyirahamwe ry’imikino mu mashuri (FRSS) aho umuhango nyamukuru wabereye mu karere ka Bugesera kuri iki cyumweru taliki 27 Werurwe 2022.

Ni umuhango witabiriwe n’umuyobozi wa FERWAFA bwana Mulindahabi Oivier n’abandi bayobozi bo muri FERWAFA batandukanye harimo kandi n’umuyobozi w’ishyirahamwe ry’imikino mu mashuri bwana Gatete Innocent.

Iki gikorwa kije nyuma y’aho CAF isabye amashyirahamwe yose y’umupira w’amaguru muri Afurika gutangiza amarushanwa y’umupira w’amaguru biciye mu mashuri aho ikipe imwe izajya itsindira guhagararira igihugu runaka mu ruhando mpuzamahanga.

Iri rushanwa rigiye kujya riba buri mwaka bityo rizenguruke ibice byose by’igihugu rikinwa kugeza habonetse ikipe izajya isohokera igihugu muri Afurika,ndetse kuri ubu amakipe atandukanye mu bigo by’amashuri yatangiye kwesurana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO